اسلام امیرلیگی باش وزیرینینگ اقتصادی اورین باسری عبدالغنی برادر، مملکت سودا و صناعتچیلری بیلن اوچرهشووده، سودانی امکان قدر تیزراق پاکستاننینگ بدیل یوللری آرقهلی باشلشلرینی سورهگن.
اسلام امیرلیگینینگ اقتصادی اورین باسرلیگی بوگون (۲۱-عقرب/۱۲-نومبر، چهارشنبه) بیر بیانیه ترقهتیب، بو حقده خبر بیرگن.
بیانیه گه کوره، برادر جنابلری سوداگرلر و صناعتچیلر بیلن اوچرهشووده، بوتوغریده تیزراق عمل قیلیشلرینی ایتگن.
بیانیه اساسیده، اسلام امیرلیگی بو قرارنی پاکستان تامانیدن سودا یوللرینینگ توسیب قوییلیشی و سودا مسئلهلریدن سیاسی مقصدلرده فایدهلنیلیشی و بو ساحهده افغانستانلیک سوداگرلر دایم ضرر کوریشی سببلی قبول قیلگن.
ملا برادرنینگ ایتیشیچه، اگر پاکستان افغانستان بیلن سوودا یوللرینی آچیشینی اېستسه، او حالده مستحکم و ایشانچلی کفالتلر بیریشی کېرهک.
اقتصاد اورین باسرلیگی، پاکستاندن وارد قیلیشنی مقابل بازارلر و مملکتلر تامان یونهلتیریش ضرورلیگینی تأکیدلهگن؛ چونکی حاضرده باشقه امکانیتلر بار.
