اسلام امیرلیگی باش وزیرینینگ اقتصادی اورین باسری ملا عبدالغنی برادر، تورکمنستان تشقی ایشلر وزیری و بو مملکت باش وزیری اورین باسری رشید مرادوف بیلن ملاقات قیلیش اوچون هرات گه بارهدی.
اسلام امیرلیگی باش وزیرینینگ اقتصادی اورین باسرلیگی، بوگون (۱۲ دلو / ۱ فبروری، یکشنبه) ایکس صحیفهسیده بیر بیانیه ترقهتیب بو حقده خبر بیردی.
مرادوف اوتگن کون بیر هیئت باشچیلیگیده هرات گه کیلگن و تامانلر بو اوچرهشووده تاپی لایحهسی و افغانستان همده تورکمنستان اورتهسیدهگی تورلی مناسبتلر حقیده بحث ایتیشی کوتیلهدی.
شو بیلن بیرگه، افغانستان کانلر و پترولیم وزیرلیگی سوزلاوچیسی همایون افغان، اودیو فایل ترقهتیب کانلر و پترولیم وزیری هدایتالله بدری، تورکمنستان باش وزیری اورین باسری و تشقی ایشلر وزیری رشید مرادوف بیلن اوچرهشیب، سودا مناسبتلرنی کینگهیتیریش، تاپی لایحهسی ایشی آلغه آلیب باریلگنی و تورغندی بندریده قولیلیک یرهتیش مسئلهلری حقیده بحث ایتگنلرینی بیلدیرگن.
کانلر و پترولیم وزیری، تاپینی منطقهدهگی مهم لایحهلردن دیب و بو لایحه ایشی خلقارا معیارلر گه تینگ بولیشیگه تأکیدلهگن.
