بریتانیانینگ اعلام قیلیشیچه، اسرائیل فلسطینلیکلرنینگ قیینچیلیگینی کمهیتیریش اوچون هیچ قندهی آدیم قویمهگنی و حماس بیلن آتیش کیسین گه ایریشمهگنی صورتده، سپتمبر آییده فلسطیننی تن آلیشی ممکن.
رویترزنینگ گزارشی اساسیده، بریتانیا باشوزیری کییر استارمر، بو موضوعنی اوتگن کون (۷-اسد، سهشنبه)، بیان قیلگن.
بیزلرنینگ فیسبوک صحیفهمیزگه باش اورینگ!
بوندن آلدین، اوتگن هفته فرانسه، سپتمبر آییده فلسطین مملکتینینگ تن آلیشینی معلوم قیلگن ایدی که بو اقدامنی اسرائیل حماس فایدهسیگه بیلگن.
نوار غزهده قحطچیلیک توغریسیده خلقارا نهادلرنینگ خواطرلری جدیراق بولگنیدن کیین، اسرائیلگه اروپا مملکتلرینینگ باسیملری کوپهیگن.
بیزلرنینگ «ایکس» ترماغی ده هم تعقیب قیلینگ!
باشقه بیر تاماندن، اسرائیلنینگ هجوملری کینگ کولمده نوار غزه دهگی تینچ اهالیگه قرهتیلگن که حتا، اسرائیل و امریکا کنترولی آستیده فعالیت قیلهدیگن غزه انسانسیورلیک جمغرمهسی یقینیده آزیق-آوقت یاردملرینی قولگه کیلتیریش مقصد ییغیلهدیگن کیشیلر هم، اسرائیل کوچلری آرقهلی اوققه توتیلهدیلر.
فلسطین ساغلیقنی سقلش وزیرلیگینینگ معلوماتی اساسیده، اسرائیل هجوملری نتیجهسیدهگی انسانی تلفات، ۶۰ مینگ کیشیدن آشگن.
