بریتانیا، جرمنی و فرانسه لیدرلری غزهده دوام اېتهیاتگن اوروش و انسانی بحران حقیده گپیریب و قۉشمه بیانیهده تیزلیک بیلن اوروش گه چېک قوییلیب و آتیش کېسین برقرار ایتیلیشینی طلب قیلگنلر.
بریتانیا باش وزیری کایر استارمر، فرانسه جمهور باشلیغی امانوئل مکرون و جرمنی باش وزیری فریدریش مرتس، ۳-اسد، جمعه کونی، غزه اوروشی، انسانی بحران و انسان سیورلیک یاردملر یېتکزیب بیریلیشی گه بولگن چېکلاولر حقیده بحث ایتگنلر.
بیزلرنینگ فیسبوک صحیفهمیزگه باش اورینگ!
بو مملکتلر، ایکی مستقل دولت شکللنیشی اوچون غزهدن اسرائیل حربی کوچلرینینگ چیقیشی و حماس رهبری چیتلنتیریلشی گه تأکیدلهگنلر.
شونینگدیک، بریتانیا، جرمنی و فرانسه رهبرلری، غزهده یوز بیرهیاتگن احوال هېچ قندهی بهانه بیلن قبول قیلینمسلیگینی ایتگنلر. اولر گه کوره، «انسانی عذاب و انسانی کرامت یوق بولیشی هر قندهی قانون و اخلاقی معیاردن یوقاری» دیر.
بیزلرنینگ «ایکس» ترماغی ده هم تعقیب قیلینگ!
امریکا قۉشمه ایالتلری جمهور باشلیغی دونالد ترامپ و اسرائیل باش وزیری بنیامین نتانیاهو، حماس بیلن آتیش کېسین مذاکرهلر نتیجهسیز بولیب و باشقه دوام تاپمسلیگینی ایتگنلری بیرحالده، بوندهی طلب قیلینماقده.
