بیرلشگن ملتلر تشکیلاتینینگ بالهلرنی قوللب-قوتلش صندیغی افغانستان بولیمی (یونیسف)، بریتانیانینگ افغانستان گه سکیز میلیون پوند اجرهتگنینی معلوم قیلگن.
اوشبو نهاد، اوتگن کون (۱-دلو، چهارشنبه)، اوز وبسایتیده یازیشیچه، اوشبو یاردم اینگ جبرلنهدیگن بالهلر و آنهلر آرهسیده توییب آوقتلنمسلیکنینگ آلدینی آلیش و دوالش بولیمیده صرفلنهدی.
یونیسفنینگ کوپهیتیریشیچه، بریتانیا یاردمی «افغانستان ده بیرینچی آزیق-آوقتلر» تشبثی آرقهلی صرفلنهدی؛ مذکور برنامه بو نهاد آرقهلی بیرلشگن ملتلر تشکیلاتینینگ آزیق-آوقت و ایکینچیلیک تشکیلاتی همده اوشبو تشکیلاتنینگ خلقارا آزیق-آوقت دستوری همکارلیگی بیلن، آزیق-آوقت قشاقلیگی همده آلتی دن ۲۳ آیلیک بالهلر آرهسیده توییب آوقتلنمسلیکنی کمهیتیریش مقصد، اوتکزیلگن.
یونیسفنینگ معلوماتی اساسیده، ایکی یاشنی تولدیرمهگن ۱۵۰ مینگدنآرتیق باله و ۶۴۰ مینگدن آرتیق پرورش قیلووچی همده باشقه کیشیلر، مستقیم و نامستقیم شکلده افغانستان ده بیرینچی آزیق-آوقتلر تشبثی عملگه آشیریلیشیدن فایدهلنیشی ممکن.
بیرلشگن ملتلر تشکیلاتیگه تیگیشلی نهادلر، دایم افغانستان ده بالهلر و عیاللر آرهسیده توییب آوقتلنمسلیک کوپهیگنیدن خواطر بیلدیرگن.
