برازیل فوتسال ملی تیرمه جماعه‌سی، ۲۰۲۴-ییل خلق‌ارا فوتسال کپی قهرمانی بولدی.
اۉزبېکستان میزبان‌لیگی بیلن بولیب اۉتگن بو مسابقه ده برازیل ۲-۱ حسابی بیلن ارجنتاین گه غلبه قازانیب و اوشبو رقابت‌لرده آلتینچی مراتبه قهرمان‌لیگینی نشانله‌دی.
بیزلرنینگ فیسبوک صحیفه‌میزگه باش اورینگ!
جنوبی امریکا ده جایلشگن فوتسال بوییچه بو ایکّی سنتی و قدیمی رقیب اۉرته‌سیده اوشبو مسابقه ۱۵-میزان، یک‌شنبه کیچه، اۉزبېکستان پایتختی تاشکینت شهری نینگ «هومو آرنا» سپورت میدانیده بولیب اوتدی.
خلق‌ارا فوتسال کپی اونینچی باسقیچیده برازیل فوتسال ملی تیرمه جماعه‌سی اېنگ یخشی اویینچی، اېنگ یخشی گل اوروچی کبی بوتون ساورین‌لرنی آلیش گه اولگوردیلر.
بیزلرنینگ «ایکس» ترماغی ده هم تعقیب قیلینگ!
بو جماعه بوندن اول میلادی ۱۹۸۹، ۱۹۹۲، ۱۹۹۶، ۲۰۰۸ و ۲۰۱۲-ییللر ده خلق‌ارا فوتسال کپی قهرمانی بولگن اېدی.
برازیل بو رقابت‌لرده کېتمه-کیت کیوبا، کرواسیا، تایلند، کاستاریکا، مراکش، اوکراین و ارجنتاین فوتسال ملی تیرمه جماعه‌لری گه غلبه قازانیب و آلتینچی مراتبه اوشبو رقابت‌لر نینگ قهرمانی بولدی.
