رویترز یېتکرمهسی، بوکوحرامنینگ نایجریا شمالشرقی بورنو ایالتیده «دارالجمال» قیشلاغیدهگی هجومیده، چمهسی ۷۰ کیشی جملهدن ییتّی عسکر هلاک بولگن و اونلب یشش اوی و ترانسپورت واسطهلری آلاو بیریلگنینی معلوم قیلگن.
اوشبو هجوم، جمعه کیچه ساعت ۸:۳۰ اطرافیده قوراللی کیشیلر قیشلاققه باستیریب کیریب هدفسیز اوق آتگنلر و یشش اویلرنی-بیرین-کیتین آلاو بیرگچ، یوز بیرگن.
گواهلر گه کوره، هجومچیلر «اویمه-اوی باریب، ایرککلرنی اولدیریشگن و عیاللرنی قالدیرگن» و دییرلی برچه قیشلاق اویلری ضرر کورگن.
قوتیلگن یشاوچیلر رویترز گه ایتیشلریچه، اهالی هجومدن اوچ کون آلدین شبهنظامیلرنینگ بارلیگی حقیده اردو گه خبر بیرگن ایدیلر؛ بیراق بوتوغریده هېچ دقت قیلینمهگن.
محلی منبعلر گه کوره، بو هجومده ۲۰ دن آرتیق یشش اوی و ۱۰ موتر یوق بولگن و اولگنلر آرهسیده قیته قوریش لایحهلریده فعالیتی بولگن هیداوچیلر و ایشلاوچیلر شامل دیر.
نایجریا اردوسی سۉنگی آیلرده بورنو ایالتیده بوکوحرام و اونینگ منشعب بولیمی گه قرشی عملیاتلرنی آشیرگن؛ بیراق یشاوچیلر بو حرکت حاضرگه قدر اوشبو گروهنینگ هلاکتلی هجوملری گه توسیق بوله آلمهگنینی ایتهدیلر.
