بیرلشگن ملتلر تشکیلاتی نینگ ۷۹-عمومی ییغیلیشی باشلنیشی بیلن بیرگه، اسلام امیرلیگی تشقی ایشلر وزیرلیگی نینگ ایتیشیچه، بو کبی ییغیلیش‌لرده افغانستان ده‌گی موجود ترقیاتلر و حقیقتلر گه توجه قیلیش بیلن، ایجابی فکرلر ارائه بولیب و بو مملکت خصوصیده ایجابی قرارلر آلینیشی کیره‌ک.
تشقی ایشلر وزیرلیگی سوزلاوچیسی اورین‌باسری ضیااحمد تکل نینگ سلام‌وطندار گه ایتیشیچه: «ایسته‌گیمیز شو که اوشبو ییغیلیشده افغانستان نینگ حاضرگی و حقیقی وضعیتی گه توجه قیلیش بیلن ایجابی قرارلر آلینیب و ایجابی فکرلر ارائه بولسین. افغانستان ده سیاسی، اقتصادی و اجتماعی بولیم‌لر گه کیلگن ترقیاتلر نینگ نظر گه آلینیشی کیره‌ک؛ بو حقیقتلر گه توجه قیلیش بیلن ایجابی قرارلر آلینیب و ایجابی آدیملر آلینیشی کیره‌ک.»
بیزلرنینگ «ایکس» ترماغی ده هم تعقیب قیلینگ!
باشقه بیر تاماندن، تشقی ایشلر وزیرلیگی سوزلاوچیسی اورین‌باسری، بیرلشگن ملتلر تشکیلاتی‌ده اسلام امیرلیگی نماینده‌سی گه افغانستان چوکی‌سی تاپشیریلمه‌گنیدن تنقید‌لب و بو ایش نی، افغانستان اهالی‌سی حقی گه «جفا» دیگن.
بیرلشگن ملتلر تشکیلاتی نینگ ۷۹-عمومی ییغیلیشی افغانستان وقتی بیلن بوگون (دوشنبه، ۲-میزان) شام چاغی امریکا نینگ نیویورک شهری‌ده یولگه قوییله‌دی. اوشبو ییغیلیشده فلسطین شامل باشقه بیر قطار مملکت بیلن افغانستان وضعیتی خصوصیده بحث بولیشی ممکن.
عین حالده، سیاسی ایش بیلرمانلر نینگ ایشانچی گه کوره، بو ییغیلیشده افغانستان مسئله‌سی نینگ شامل بولگنی و اسلام امیرلیگی‌دن نماینده دعوت بولمه‌گنی؛ افغانستان خصوصیده دنیا سعی‌وحرکتلری نینگ ناکام‌لیگی نی کورسته‌دی.
بو توغریده سیاسی ایش بیلرمان جنت فهیم چکری نینگ ایتیشیچه: «بو ییغیلیش گه افغانستان نینگ دعوت بولمه‌گنی افغانستان نینگ بیرلشگن ملتلر تشکیلاتی گه جوابگو بولمه‌سلیگی گه سبب بوله‌دی؛ بو ییغیلیش تاثیرلری نینگ کم‌رنگ بولیشی ممکن. نماینده نینگ حضوری بولگنی صورت‌ده، بیر تاماندن جوابگو بوله آله‌دیلر و شونینگدیک زمان اوتیشی بیلن مسئله‌لر نینگ حل قیلیشی ممکن.»
شونینگدیک سیاسی ایش بیلرمانلردن باشقه بیری محمود اضطرابی نینگ ایتیشیچه، دنیا و بیرلشگن ملتلر تشکیلاتی افغانستان ده‌گی موجود قیین‌چیلیکلر حلی اوچون حقیقی تعهدی بولگنی صورت‌ده، صحبت قیلیش یوللری نینگ آچیلیشی بیلن، بو توغریده حجتلشتیریلگن ییچیم یوللر گه ایگه بولیشلری کیره‌ک.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «بو ییغیلیش جوده‌یم اونملی دیر؛ شرط بو که آلدین‌دن توزه‌تیلگن بیر میکانیزم اساسیده گپ‌لشسه‌لر. ییچیم یول بو که افغانستان اهالی‌سی قیین‌چیلیگی حلی و ثمرلی کانال نی قیته آچیلیشی خصوصیده تعهدی بولسه. ایکی تامان ایسته‌کلری نینگ جبرلی بولگنی صورت‌ده، علاقه قوریش یوللری نی یاپه‌دی.»
ایتیش کیره‌ک که، قطر ده اسلام امیرلیگی سیاسی دفتری باشلیغی سهیل شاهین، جاری هفته یک‌شنبه کونی اکس صحیفه‌سیده بیر پست ترقه‌تیش بیلن، بیرلشگن ملتلر تشکیلاتی نینگ ۷۹-عمومی ییغیلیشی گه افغانستان نماینده‌سی نینگ دعوت بولمه‌گنی‌دن تنقید‌لب ایتیشیچه، اوشبو ایش دنیا بیلن اسلام امیرلیگی فاصله‌سینی کوپه‌یتیره‌دی.
