بیرلشگن ملتلر تشکیلاتی‌نینگ خوفسیزلیک کینگشی، بو کیچه (۲۲-قوس، پنجشنبه) افغانستان وضعیتینی تیکشیریش مقصد بیر ییغین اوتکزیش‌گه قرار آلگن.
افغانستانده بیرلشگن ملتلر تشکیلاتی‌نینگ نماینده‌لیک اداره‌سی (یوناما) معلوماتی اساسیده، بو ییغین‌گه یوناما باشلیغی روزا اوتونبایوا شرکت قیلیب و افغانستان وضعیتی گه تیگیشلی معلومات‌لرنی بیان قیلیشی ممکن.
بیزلرنینگ فیسبوک صحیفه‌میزگه باش اورینگ!
ایتیلیشچه، افغانستان ده بشری وضعیت بو ییغینده صحبت قیلینه‌دیگن اصلی آجندا دیر. عین حالده، اسلام امیرلیگی سوزلاوچیسی ذبیح‌الله مجاهد‌نینگ ایتیشیچه، بیرلشگن ملتلر تشکیلاتی ییغین‌لری‌‌‌نینگ اسلام امیرلیگی نماینده‌سی بولمه‌گنی صورت‌ده اوتکزیلیشی، عدالت‌سیزلیک دیر و نتیجه‌سیز بولیشی ممکن.
بو توغریده اسلام امیرلیگی سوزلاوچیسی ذبیح‌الله مجاهد‌نینگ سلام‌وطندار گه ایتیشیچه: «بو ییغینلرده افغانستان گه قرشی عقده‌لی و حقیقت‌دن اوزاق قرارلر آلینیشی کیره‌ک. بو هیچ بیر تامان فایده‌سی گه ایمس. امید قیله‌میز که افغانستان اورینی بولگن ییغینلرده بو مملکت‌دن نمایندهنینگ حضوری بولسه که اوز موقفی‌دن دفاع قیلسه که اوندن کیین آلینگن قرارلر‌نینگ عدالتلی بولیشی ممکن.»
شونینگدیک اسلام امیرلیگی سوزلاوچیسی، بیرلشگن ملتلر تشکیلاتی‌دن ینه بیر مرته، بیرلشگن ملتلر تشکیلاتی‌ده افغانستاننینگ دایمی نماینده‌لیگی اورنی‌نی، اسلام امیرلیگی سرپرست حکومتی‌گه تاپشیریلیشینی ایسته‌گن.
شونده‌ی بیرحالده، سیاسی مسئله‌لر بیلرمانلریدن نجیب‌الرحمان شمال، بو کبی ییغینده افغانستان ده‌گی جاری حقیقت‌لر‌نینگ بیلن بولیشی و اولر گه ییچیم یول تاپیلیشی‌گه تاکید‌لب ایتیشیچه، بو ییغینده سرپرست حکومت‌نینگ حضوری، افغانستان‌نی انزوادن چیقریش‌نی طلب قیلیب و بو توغریده سرپرست حکومت و دنیا‌نینگ سعی‌وحرکت قیلیشی کیره‌ک.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «سرپرست حکومت رسمیت گه تانیلمه‌گن. بو ییغینلرده نمایندهنینگ حضوری کوپ اونملی، بیراق اولر‌نینگ حضوری یوق. امیدیمیز بار که سرپرست حکومت اوتگن اوچ ییل‌ده‌گی تجربه‌لری گه قره‌ب دنیا ایسته‌کلرینی قبول قیلیب و خلق‌ارا توافقلر و کنوانسیون‌لر گه عمل قیلیب، حاضرگی حکومت‌نینگ رسمیت گه تانیلیشی گه تیارلنسه.»
عین حالده، بیرلشگن ملتلر تشکیلاتی اوتگن اوچ ییل‌ده بیر قطار ییغینلرده افغانستان وضعیتینی تیکشیرگن، بیراق حاضرگچه بو ییغینلر افغانستاننینگ انزوادن چیقیشی اوچون بیللی بیر نتیجه یا-ده بو توغریده عملی بیران قرار آلینیشی‌‌گه سبب بولمه‌گن.
