افغانستان ده بشری یاردم‌لر اینیقسه آزیق-آوقت، باش پنه و ایچیم‌لیک سوو خصوصیده نیازمند‌لیکلر کوپه‌یگنی‌دن دنیا خواطرلری بیلن بیرگه، بیرلشگن ملتلر تشکیلاتی نینگ افغانستان ده نیازمند کیشیلر گه یاردم بیرش اوچون پول صندیغی، اوتگن کون افغانستان‌لیک‌لر گه ینگی کمکی برنامه نینگ تصویب بولگنی‌دن خبر بیرگن.
اوشبو صندیق نینگ اوز اکس صحیفه‌سیده یازیشیچه: «رهبرلیک کمیته‌سی مینگ‌لرچه ایچکی آواره و افغانستان گه قیتگن مهاجرلر و شونینگدیک مخدره ماده گه چلینگنلر گه دستلبکی یاردم تیارلش اوچون حمایتی برنامه نینگ تصویب قیلدی. حاضرگچه ۱۳ مملکت بو صندیق گه قریب ۲۳۰ میلیون دالر نی یاردم بیرگن.»
بیزلرنینگ «ایکس» ترماغی ده هم تعقیب قیلینگ!
بیرلشگن ملتلر تشکیلاتی نینگ افغانستان ده نیازمند کیشیلر گه یاردم بیریش اوچون پول صندیغی بیانیه‌سی نینگ بیر بولیمی‌ده کیلیشیچه، میلیون‌لب افغانستان‌لیککه یاردم بیریش اوچون، کوپینچه یاردم گه نیاز بار.
شوندهی بیرحالده، خلق‌ارا آزیق-آوقت دستوری و افغانستان ده بیرلشگن ملتلر تشکیلاتی نینگ انسان‌پرورلیک یاردم‌لر نی هماهنگ قیلووچی دفتری (اوچا)، افغانستان ده بشری نیازلر دوامی و بودجه کم‌لیگی‌دن آگاه‌لنتیرگن.
اوچا گه کوره، حاضر ایسه افغانستان ده ۲۵ میلیون کیشی بشری یاردم‌لر گه نیازی بار.
شوندهی بیرحالده، ایچکی آواره‌لر و مملکت گه قیتگن مهاجرلردن قطاری، ایش‌سیزلیک، باش‌پنه‌سیزلیک و آزیق-آوقت خصوصیده‌گی نیازلریدن شکایت قیله‌دیلر.
غور ولایتی‌ده‌گی سوو تاشقین‌دن زیان کورگن جمعه‌خان نینگ ایتیشیچه: «ایش یوق، برچه کیشی کسل دیر. سوو خراب بولگن. برچه نرسه چادر ده نم بولگن. آوقت‌لنیش اوچون هیچ نرسه یوق. چادرده مجبور‌لیک‌دن حیات کیچیره‌میز.»
بیزلرنینگ فیسبوک صحیفه‌میزگه باش اورینگ!
شونینگدیک ایران دن قیتگن مهاجرلردن عبید‌الله نینگ ایتیشیچه: «ایران ده بیر کارخانه‌ده ایش قیله‌ر ایدیک، بیزلرنی پولیس قولگه آلیب و ایران دن چیقردی. پولیمیز یوق و حیاتی‌میز خراب بولگن. بو ییرده بیللی ایمس که ایش زمینه‌سی بار می یا-ده یوق.»
ایتیش کیره‌ک که، افغانستان ده بیرلشگن ملتلر تشکیلاتی نینگ انسان‌پرورلیک یاردم‌لر نی هماهنگ قیلووچی دفتری (اوچا)، افغانستان ده یاردم ییتکزیش اوچون نیاز بولگن بودجه‌دن یالغیز ۲۰ فایزی تامین بولیب و بو نهاد نینگ برچه نیازمندلر گه یاردم بیریش اوچون ۳.۱ میلیارد دالر گه نیازی بولگنی نی ایتگن ایدی.
