سرپرست حکومت سوو و برق وزیرلیگی مسئوللری اوتگن کون (شنبه، ۱۳-اسد)، اوشبو وزیرلیک نینگ بیر ییل‌لیک یوتوقلرینی بیان قیلیشلری برنامه‌ده ایتیشلریچه، اوتگن بیر ییل‌ده تورت بویوک و ۱۱۷ کیچیک سوو توغانی نینگ قوریلیش ایشی بو وزیرلیک تامانیدن یکونلنگن.
سوو و برق وزیرلیگی سرپرستی عبداللطیف منصور نینگ ایتیشیچه، مذکور سوو توغانلری و سوو ذخیره‌لری نینگ قوریلیشی، افغانستان ده‌گی موجود قوروق‌‌چیلیکلر برابریده ییترلی ایمس.
بیزلرنینگ فیسبوک صحیفه‌میزگه باش اورینگ!
شونینگدیک سوو و برق وزیرلیگی سوزلاوچیسی مطیع‌الله عابد نینگ ایتیشیچه، اوشبو وزیرلیک اوتگن بیر ییل‌ده سوو و برق مدیریتی بولیمی‌ده ایجابی یوتوقلرنی عمل گه آشیریب یا-ده قولگه آلگن. عابد نینگ کوپه‌یتیریشیچه، اولر کیله‌سی ییل‌ده ۵۰۰دن آرتیق ینگی سوو ذخیره‌سی قوریلیشی برنامه‌سینی قولگه آلگنلر.
عین حالده، سوو و برق وزیرلیگی نینگ برنامه‌لر بولیمی باشلیغی فرهاد محمودی گه کوره، کیله‌سی ییللرده افغانستان برق خصوصیده بولگن نیازلریدن بویوک قسمینی ایچکی منبع‌لردن تامین قیلیشی ممکن.
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، اوشبو وزیرلیک مسئوللری افغانستان نینگ ییر آستی یا-ده سطحی سوولری مقداری و سوو منبع‌لری کمه‌یشی گه تاکید قیلگنی بیرحالده، ایتیشلریچه، حاضر ایسه بو بولیم‌ده ییترلی سوو ذخیره‌لری و آستقورمه‌لری یوق.
شونینگدیک سوو و برق وزیرلیگی سرپرستی پایتخت‌ده سوو کم‌لیگی قیین‌چیلیگی گه توجه قیلیب و ایتیشیچه، کابل ده بو قیین‌چیلیک حلی اوچون قیسقه مدتلی برنامه‌لری یوق.
