سیاسی اوزگریشلر و سرپرست حکومت آرقه‌لی قیزلر تعلیمی برابریده یره‌تیلگن چیکلاولر سبب، عایله‌لردن قطاری قیزلرینی قوللب-قوتلش مقصد، ینگی اوقیش یوللرینی یره‌تگنلر. مذکور عایله‌لر‌نینگ ایتیشلریچه، قیزلری‌نینگ تعلیم‌دن اوزاق قالگنی‌نی جبران قیلیش اوچون، اولرنی دینی مدرسه‌لر، آنلاین اوقوو مرکزلری، اویدهگی اوقیش صنف‌لری و حتا مملکت‌دن تشقی گه یوبارگنلر.
مذکور گزارش‌ده، ۲۳ عایله و تعلیم‌دن محروم قالگن ۱۹ قیز بیلن صحبت قیلینگن که اوشبو عایله‌لر و قیزلردن برچه‌سی ینگی اوقیش یوللرینی تنله‌گنلر.
مذکور گزارش‌ده قولگه کیلگن معلوماتلر گه کوره، عایله‌لردن ۱۰ ته‌سی قیزلرینی دینی مدرسه‌لر، ییتی‌ته‌سی آنلاین اوقوو مکتب‌لری، تورت‌ته‌سی اویدهگی اوقیش صنف‌لری، بیرتهسی نقاش‌لیک صنفی و باشقه بیرتهسی ایسه تحصیلی‌نی دوام بیریش اوچون قیزینی تشقی مملکت گه یوبارگن.
ایکی قیزی تعلیم‌دن محروم قالگن ۳۵ یاشر زلیخا‌نینگ ایتیشیچه، قیزلر یوزیگه مکتبلر و بیلیم یورتلر یاپیلگنی‌دن کیین، قیزلرینی دینی مدرسه‌گه یوبارگن. اونینگ کوپه‌یتیریشیچه: «مکتبلر و بیلیم یورتلر ایشیگی‌نینگ قیزلر یوزیگه یاپیلگنی‌دن کیین، قیزلریم‌نی دینی مدرسه گه یوباردیم که شو رقم دینی معلوماتلری کوپه‌یسین و مصروف بولسینلر. امید قیله‌من که مکتبلر و بیلیم یورتلر قیته آچیلسه و قیزلریم درسلریگه دوام بیرسه‌لر.»
بیزلرنینگ فیسبوک صحیفه‌میزگه باش اورینگ!
ایکی قیزی تعلیم‌دن محروم قالگن بامیان یشاوچیسی قربان‌علی‌نینگ ایتیشیچه، شخصی خره‌جت بیلن قیزلری‌نینگ تیل، نقاش‌لیک و تیکووچیلیک مرکزلری گه یوباریش‌گه مجبور دیر.
اونینگ کوپه‌یتیریشیچه، اینگ آز تعلیمی فرصت‌لرنینگ اورته‌دن کیتگنی صورت‌ده، قیزلری کیله‌جگی اوچون مملکت‌نی ترک قیلیشی ممکن. «درس‌نینگ ارزشی کوپ دیر. قیزلریم‌گه باریب انگلیسی اوقینگ، تیکووچیلیک و نقاش‌لیک اوقینگ دیه‌من. اوتگنلرده قیزلر رایگان شکلده درس اوقه‌ر ایدی؛ بیراق حاضر ایسه کورس گه یوباره‌من و اوزیم پول بیره‌من. قیزلر یوزیگه کورس‌لر‌نینگ یاپیلگنی صورت‌ده، مجبور مملکت‌نی ترک قیلسه‌ک.»
شونینگدیک کاپیسا ده‌گی آنه‌لردن بیری ۲۹ یاشر حوا‌نینگ ایتیشیچه، قیزلر یوزیگه مکتب‌لر‌نینگ یاپیلگنی‌دن کیین، قیزی جدی شکلده روحی قیین‌چیلیک بیلن روپه‌ره بولیب و اونینگ بو افسرده‌لیک‌دن قوتقریلیشی اوچون آنلاین مکتبی گه شامل قیلگن.
حوا‌نینگ کوپه‌یتیریشیچه: «مکتب‌لر‌نینگ یاپیلگنی‌دن کیین، کوپ قیین کونلرنی اوتکزدیک، حتا قیزیم افسرده بولدی و ۱۸ کون کابل‌ده‌گی کسل‌خانه‌لردن بیریده بستری ایدی؛ بیراق ینه هم تسلیم بولمه‌دیک. قیزلر گه آنلاین مکتبلر آچیلگنی نی بیلدیک و ایکی قیزیم نی آنلاین مکتب گه شامل قیلدیم که حاضر درس اوقه‌دیلر.»
شونده‌ی بیرحالده، قیزلر برابریده‌گی تحصیلی چیکلاولر سبب عایله‌لردن قطاری قیزلری‌نینگ تحصیلی دوامی اوچون اولرنی مملکت‌دن تشقی گه یوبارگن.
تحصیلی دوامی اوچون قیزی تشقی مملکت‌گه کیتگن بادغیس ولایتیدهگی آنه‌لردن بیری فروزان‌نینگ ایتیشیچه: «قیزلر یوزیگه مکتبلر ایشیگی یاپیلگنی‌دن کیین، آنلاین مکتبلرگه یوز کیلتیردیک. شونینگدیک اولر‌نینگ تحصیلی دوامی اوچون تشقی مملکت‌گه یوباریش گه قرار آلدیک.»
باشقه بیر تاماندن، مذکور گزارش‌ده قولگه کیلگن معلوماتلر گه کوره، ۲۳ عایله‌دن ۱۹ ته‌سی قیزلر یوزیگه مکتبلر و بیلیم یورت‌لر‌نینگ یاپیق قالگنی دوام قیلگنی صورت‌ده، مملکت‌نینگ ترک قیلیشلرینی بیلدیرگنلر.
بو توغریده جوزجان ولایتیدهگی آنه‌لردن بیری پیمانه‌نینگ ایتیشیچه: «اوشبو چیکلاولر دوام قیلگنی صورت‌ده، قیزلریم کیله‌جگی اوچون تشقی مملکت گه مهاجرت قیلیش گه مجبور‌میز؛ چونکه قیزلریم کیله‌جگی تضمین بولسین و اولر آرزولریگه ییتیشسینلر.»
باشقه بیرتاماندن، اوشبو گزارش‌ده صحبت قیلگن ۱۹ قیز‌دن، ۶ ته‌سی طلبه و ۱۳ ته‌سی اوقووچی دیر. اولر‌نینگ ایتیشلریچه، مکتبلر و بیلیم یورتلر ایشیگی یاپیلگنی‌دن کیینگی قیین‌چیلیکلر و اقتصادی قیین‌چیلیکلر بیلن، بیراق ینگی اوقووچی یوللرینی تنله‌گنلر.
تعلیم‌دن محروم قالگن قیزلردن سامعه‌نینگ ایتیشیچه: «قیزلر یوزیگه مکتبلر ایشیگی یاپیلگنی‌دن کیین، رسام‌لیککه باشله‌دیم و مدرسه کیته‌من. آته‌م اولگن و یالغیز آنه‌م بار. اونچه‌لیک اقتصادی وضعیتی‌میز یخشی ایمس که مینی درست حمایت قیلسه‌لر.»
تحصیل‌دن محروم قالگن قیزلردن شمایل‌نینگ ایتیشیچه: «قیزلر یوزیگه بیلیم یورتلر ایشیگی یاپیلگنی‌دن کیین، ۲-صنف طلبه‌سی ایدیم. قیغو بیلن دوام بیره آلمه‌دیم. اوغیل صنف‌داشلریمیز بیلیم یورت‌نی بیتیردیلر؛ بیراق بیزلر اوشه سطح‌گه قالگن‌میز. حاضر ایسه یالغیز انگلیسی اوقه‌من.»
شونده‌ی بیرحالده، تعلیم و تربیه بوییچه ایش بیلرمان جمال‌الدین سلیمانی، قیزلر تعلیمی فایده‌سی گه تاکید‌لب، بیراق ایتیشیچه، اوقیش اوچون بدیل یوللر اینیقسه آنلاین اوقیش یوللری، حضوری و رسمی تعلیم اورنی‌نی مکمل شکلده آلالمه‌یدی. اونینگ کوپه‌یتیرشیچه: «هیچ بیر تعلیم حضوری و رسمی تعلیم اورنی‌نی آلالمه‌یدی. قیغو بیلن حاضر بو بیر بحران دیر. ینه هم قیزلر‌نینگ اوقیب یازه آله‌شی اوچون یخشی ایش؛ بیراق مذکور قیزلر اوتمیش‌ده درس اوقه آلیش کبی رسمی شکلده اوقه آلمه‌یدیلر.»
بیزلرنینگ «ایکس» ترماغی ده هم تعقیب قیلینگ!
شونینگدیک عیال حقوقی فعالی فروزان داوود‌زی‌نینگ ایتیشیچه، افغانستان ده قیزلرگه تحصیلی زمینه‌لری یوقلیگی، جمعیت‌نینگ فلج‌لیگی معناسی گه دیر. اونینگ کوپه‌یتیریشیچه، سوادلی بیر عیال، سوادلی عایله و جمعیت‌نینگ زمینه‌‌سی یره‌ته‌دی.
اونینگ ایشانچی گه کوره، ایرککلر گه نسبت عیاللر تحصیلی کوپینچه اهمیت گه ایگه دیر. «بیر جمعیت‌ده ایرککلر گه نسبت عیاللر تحصیلی تاثیرچین دیر؛ چونکه بیر عیال‌نی سوادلی قیلگنیمیز‌ده، بیر جمعیت‌نی سوادلی قیلگنیمیز کبی دیر و عیال آنه دیر، عیال بیر عایله‌نینگ اساسی دیر که کوپراق عایله تربیه‌سی آنه بوینیگه دیر.»
سرپرست حکومت عالی اوقوو وزیرلیگی سرپرستی ندامحمد ندیم، جاری ییل سنبله آیی‌ده، حکومت نینگ اطلاعات و ییتکرمه‌لر مرکزی‌ده امارتی اداره‌لر‌نینگ بیر ییل‌لیک یوتوقلرینی بیان قیلیش برنامه‌سیده، قیزلر تعلیمی گه تیگیشلی سوراق سوره‌لمسلیگی نی بیان قیلگن ایدی. «بو موضوع‌نینگ کیچیک جوابی شو دیر که، مکتبلر نینگ کیینگی امرگچه یاپیق قالگنی کبی، بو توغریده سوال سوره‌ش هم کیینگی امرگچه توخته‌تیلگن.»
بیرلشگن ملتلر تشکیلاتی نینگ تعلیم، بیلیم و مدنیت تشکیلاتی (یونسکو)، جاری ییل ۲۵-اسد، افغانستان ده اسلام امیرلیگی قدرت گه ایریشگنی‌نینگ اوچینچی ییل‌لیگی مناسبتی بیلن، بیر میلیون ۴۰۰ مینگ افغانستان‌لیک قیز‌نینگ تحصیل‌دن محروم قالگنی و شونینگدیک باشلنغیچ تعلیم‌دن فایده‌لنیش‌نینگ جدی شکلده کمه‌یگنی و اوغیل بالهلر گه نسبت ۱.۱ میلیون قیز‌نینگ آزراق مکتب گه باریشینی ایتگنی بیرحالده، قیزلر یوزیگه مکتبلر و بیلیم یورتلر ایشیگی‌نینگ آچیلیشی حاضرگچه بیللی ایمس.
