غلام‌خان چیگره قتناو یولیدن پاکستان گه تازه میوه و سبزه‌وات صادر قیله‌دیگن سوداگرلردن قطاری نینگ ایتیشلریچه، مذکور مملکت حکومتی افغانستان کامیون‌لریدن بیر قطاری‌گه اوتیش اوچون رخصت بیره‌دی.
مذکور سوداگرلر نینگ کوپه‌یتیریشلریچه، بو مسئله کامیون‌لردن کوپ قطاری نینگ چیگرهده قالیب، تازه میوه بیلن سبزه‌وات نینگ خراب بولیشی گه سبب بولگن.
تازه میوه و سبزه‌وات سوداگرلریدن بیری فیض‌‌محمد، پاکستان گه میوه و سبزه‌وات کامیون‌لری ییتیب باریشی نینگ کوپ زمان آلیشی‌نی بیان قیلیب و ایتیشیچه، سوداگرلر زیانی آلدی آلینیشی اوچون کونده اوشبو مملکت گه کامیون‌لریدن کوپ قطاری گه اوتیش اوچون رخصت بیریلیشی کیره‌ک.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «اوزوم تجارتی نی قیله‌من، موتریم اوچ کیچه و کوندوز بیکت‌ده قالیب و باشقه ایکی کون ایسه قطار‌ده توخته‌ب قالدی. توارلریم پشاور گه ییتگنی‌ده، باجخانه پولینی تولدیره آلمه‌دی. ۲۰۰مینگ‌دن آرتیق مصرف قیلدیم، بیراق میوه و سبزه‌واتلر اورته‌دن کیتدی.»
شونینگدیک سوداگرلردن باشقه سیداحمد نینگ ایتیشیچه، پاکستان کونده کامیون‌لردن بیر قطاری گه اوتیش اوچون رخصت بیره‌دی که، بو ایش چیگرهده قالگن کامیونلر توارلری نینگ خراب بولیشی گه سبب بولگن.
اونینگ کوپه‌یتیریشیچه: «غلام‌خان بندری ایکی کون اوچون آچیله‌دی و بیش کون یاپیله‌دی. کوپینچه قیین‌چیلیک بیلن روپه‌ره‌میز، مینگ‌لب افغانی زیان کورگن‌میز، پمیدار و باشقه سبزه‌واتلر خراب بولگن. ایکی حکومت‌دن هم بندرلر نی بیزلر گه آچیشلرینی ایسته‌‌یمیز و سوداگرلیک مسئله‌لرنی سیاست گه اره‌لشتیرمه‌سینلر.»
باشقه بیر تاماندن، خوست سودا و سرمایه یاتقیزووچی اتاق باشلیغی نواب امیرزوی نینگ ایتیشیچه، حاضر ایسه تازه میوه و سبزه‌وات یوکلنگن ۳۰۰ کامیون نینگ پاکستان گه اوتیشی اوچون رخصت بیریلیشی کیره‌ک؛ بیراق پاکستان اوز توپراغی گه اوتیش اوچون یالغیز ۶۰-۷۰ کامیون گه رخصت بیره‌دی. «کونده تازه میوه و سبزه‌وات یوکلنگن ۳۰۰ کامیون گه رخصت بیریلیشی کیره‌ک؛ لیکن قیغو بیلن حاضر ۶۰-۷۰ کامیون گه رخصت بیریله‌دی.»
بیزلرنینگ «ایکس» ترماغی ده هم تعقیب قیلینگ!
خوست معلومات و مدنیت باشلیغی شبیراحمد عثمانی گه کوره، پاکستان نینگ باشقه چیگره قتناو یوللریده قیین‌چیلیک سبب، غلام‌خان بندری‌دن سوداگرلر توارلری نینگ اوتیب-قیتیشی کوپه‌یب، تجارتی کامیونلر هیداوچیلری و سوداگرلر قیین‌چیلیک بیلن روپه‌ره بولگن.
اونینگ کوپه‌یتیریشیچه، غلام‌خان چیگره قتناو یولیده سوداگرلر قیین‌چیلیگی حلی اوچون عملی سعی‌وحرکتلر باشلنگن. «بندرلردن قطاری‌ده یوللر یاپیلگن؛ یالغیز بو ییرده یول آچیق. انه شوو سبب سوداگرلردن قطاری بو یول‌دن اوتیب قیتماقچین و یولاوچیلر گه هم قیین‌چیلیک یره‌تگن. حاضر یول هم آچیق و قیین‌چیلیک یوق، بیراق گوجوم‌لیک کوپ. تجارتی توارلر و ماشین‌لر توخته‌گن و بویوزدن قیین‌چیلیک یره‌تیلگن.»
خوست ده غلام‌خان چیگره قتناو یولی، پاکستان بیلن بولگن باشقه قتناو یوللر گه قره‌گنده، کراچی بندری بیلن آزراق فاصله‌سی بار؛ بیراق بو یول آرقه‌لی پاکستان بیلن تجارت خصوصیده ییترلی آسایشته‌لیکلر یره‌تیلمه‌‌گن.
