افغانستان ایشلری بوییچه اوشبو مملکت نینگ مخصوص نماینده‌سی توماس وست، امریکا قوشمه ایالت‌لری نینگ افغانستان خاتین-قیزلر و بشر حقوقی ایشلری بوییچه مخصوص نماینده‌سی رینا امیری و بو مملکت نینگ افغانستان بوییچه ایلچی‌خانه‌سی نینگ باشقیروچیسی کرن دیکردن شامل بولگن امریکا نماینده‌لری آره‌سیده ایکی کون‌لیک ییغینی، قطر نینگ باشکینتی دوحه شهریده، اسلام امیرلیگی حکومتی نینگ تشقی ایشلر وزیری امیرخان متقی ییتکچیلیگیده‌گی هیاتی بیلن اوچره‌شوو اوتکزدی.
بو اوچره‌شوولر یکونیدن ترقه‌تیلگن بیانات‌لرگه اساس انسان حق‌لری، خوفسیزلیک توغرسیده‌گی خواطرلر کبی موضوعات‌لرگه قوشیمچه، ایکی هیات اوزلری ارا ایریم بولیم‌لرگه ایشانچ یره‌تیلیشی‌نی محاکمه قیلگن‌لر.
بیزلرنینگ توییترده هم تعقیب قیلینگ!
دیمک اوچره‌شووده امریکا وکیل‌لری اسلام امیرلیگی نی بنگی‌وار ماده‌لر ایکیلیشی‌گه قرشی کوره‌ش همده افغانستان توپراقی هیچ بیر مملکت‌گه قرشی ایش آلینمسلیگی بوییچه بولگن ایشانچ‌نی خوش قرشی‌لگن.
شوندی ایکن، ایریم سیاسی مسئله‌لر بوییچه ایش بیلرمان‌لر اسلام امیرلیگی تامانیدن بو حکومت بیلن رسمی علاقه قوریش اوچون تکلیف ایتیلگن شرط‌لر نظرگه توتیلمه‌گونگه قدر ایشانچ یره‌تیلمسلیگیگه توشینه‌دیلر.
سیاسی ایش بیلرمان‌لردن بولمیش جمعه خان پویا نینگ بو خصوصده ایتیشیچه: «افغانستان خلق‌ارا هم‌جمعیتی نینگ انسان حق‌لری بوییچه بولگن کنوانسیون‌لریگه قوشیلگن مملکت‌لر جمله‌سیدن دیر، شو سبب بو کنوانسیون‌لرگه حرمت قایل بولیشی کیره‌ک، بیراق اولرگه افغانستان‌نینگ حاضرگی حکومتی تامانیدن حرمت ایتیلمه‌یدی، اسلام امیرلیگی بو سیاستی‌نی نظرگه توتکن حالده، بو حکومت بیلن امریکا نی ایشله‌شی بیراز قییند بوله‌دی دیب اویله‌یمن.»
افغانستانده قیزلر بیلیم‌یورت‌لرگه باریشی و عیال‌لر افغانستانده ایچکی و تشقی تشکیلات‌لرگه ایشله‌شی اسلام امیرلیگی حکومتی تامانیدن تقیق‌لنگنیدن کیین، امریکا هیاتی ایلک مراتبه اسلام امیرلیگی نینگ یوقاری مرتبه‌لی هیاتی بیلن یوزمه یوز اوچره‌شماقده.
بیزلرنینگ فیسبوک صحیفه‌میزگه باش اورینگ!
بو توغریده سیاسی مسئله‌لر بوییچه ایش بیلرمان عزیز معارج بوندی دیدی:«امریکا پیام‌لرینی یاشیرین حالده، تلیفونی قونغیراق آرقه‌لی هم ییتیشتیریشی ممکن ایدی، بیراق دیپلوماتیک قره‌ش اساس بیر هیات چقیریلیشی کیره‌ک ایدی چونکه امریکا دنیاگه همده اوز فقراسی‌گه منه بو تاریخ‌گه بو هیات‌گه بوندی دیگن ایدیم دیب ایتیش‌نی خواهله‌یدی.»
ایتیش کیره‌ک اوتکن ایکی ییل جریانیده افغانستان خصوصیده اوتکزیلگن خلق‌ارا ییغین‌لر افغانستان وضعیتی‌نی ایجابی اوزگریشی اوستیده هیچ قندی تاثیر قویمه‌گن.
