کابل شهری‌ده‌ی کسل‌دارلردن قطاری، اوشبو شهردهگی داروخانهلرده دارولر بهاسی نینگ فرقلی بولگنیدن تنقید‌لب ایتیشلریچه، دارو‌لردن بیرقطاری داروخانهلرده فرقلی بها بیلن ساتیله‌دی.
کابل شهری قلعه‌ی زمان خان یشاوچیسی سراج‌الدین، قرینداش‌لریدن بیری ملالی کسلخانه‌سیده بستری دیر و کسلی گه نیاز بولگن دارولر نی آلیش اوچون داروخانهلر ده دارولر بهاسی فرقلی بولگنیدن شکایت قیله‌دی.
اونینگ کوپه‌یتیریشچه: «کوپینچه قیین‌چیلیک‌لر بیلن روپه‌ره بولدیک. داروخانه گه بیر نسخه نی آلیب بارگنی‌میز پیتده، بیش یوز بوله‌دی، باشقه بیر داروخانه گه آلیب بارگنی‌میز پیتده ایسه اوچ یوز بوله‌دی. بیرینچی داروخانه گه باریب نیگه فرق قیله‌دی دیب سوره‌گنی‌میز پیتده، دلیل‌لری نی ایته‌دیلر که دارولر بهاسی اوچ یا-ده تورت یوز تفاوتی بار.»
بیزلرنینگ توییترده هم تعقیب قیلینگ!
مکروریان منطقه‌سی یشاوچیسی محمد عالم نینگ ایتیشیچه، کسلی دولتی کسل‌خانه‌ده بستری دیر و کونده ایکی مرته‌دن کوپ، نیازی بولگن دارولر نینگ آلیش اوچون داروخانهلر گه مراجعت قیله‌دی
محمد عالم نینگ کوپه‌یتیریشیچه: «بیر نسخه دارو بیر دارو‌خانه‌ده ۱۳ یا-ده ۱۴ یوز، بیراق بعضی ییرلرده آز دیر. اهالی اقتصادی ضعیف دیر. اهالی کسلی نینگ درمانی اوچون قرض آلیش گه مجبور بوله‌دی. دارولر بهاسی قریب یریم برابر فرق قیله‌دی.»
تورموش اورتاغی نی درمان قیلیش اوچون بغلان‌دن کابل نینگ جمهوریت کسل‌خانه گه کیلگن محمد ابراهیم، سرپرست حکومت‌دن داروخانهلرده دارولر بهاسی نینگ کنترول بولینیشی نی ایسته‌گن. «بو وضعیت نینگ حل قیلینیشی کیره‌ک. کسل‌خانه‌دن تشقی گه نسخه نی آلیب بارگنی‌میز پیتده، کوپ فرق قیله‌دی. فکرمچه کنترول بولمه‌یدی. هر کیم ایسته‌گنی بها گه دارو نی ساته‌دی. کسلی بولگن کیشی مجبور دارو نی آله‌دی، بیراق وضعیت نینگ تیکشیریلیشی کیره‌ک.»
عین حالده، کابل شهری‌ده‌گی داروساتووچیلر بیرلشمه‌سی، شهر داروخانهلریده دارولر بهاسی نینگ فرقلی بولگنی‌نی قبول قیلیب ایتیشیچه، شهردهگی داروخانهلرده دارولر بهاسی نینگ کنترول قیلیش، بیراز زمان آلیب و قیین بیر ایش دیر.
کابل داروساتووچیلر بیرلشمه‌سی رئیسی حاجی باور نینگ ایتیشیچه: «بو بیر قیین‌چیلیک دیر، کوپینچه پیت بو ایش نینگ آلدی آلینیشی اوچون سعی و حرکت قیلدیک. کابل شهری‌ده مینگ‌لرچه داروخانه بار. بو ایش نینگ آلدی آلینیشی بیراز قیین دیر. بو ایش کوپراق دارو ساته‌دیگن نینگ ایمانی گه تیگیشلی دیر.»
باشقه بیر تامان‌دن، افغانستان آزیق-آوقات و دارو ملی اداره‌سی نینگ ایتیشیچه، کابل شهری‌ده داروخانه‌لردن نظارت قیلیش پروسه‌سی نینگ دوامی بار و اوشب اداره آرقه‌لی دارو ساتیلیش اوچون بیللی بیر فیصدی تعیین‌لنگن.
بیزلرنینگ فیسبوک صحیفه‌میزگه باش اورینگ!
مذکور اداره سوزلاوچیسی جاوید هژیر نینگ سلام‌وطندار نینگ ایتیشیچه: «افغانستان ده دارو بهاسی دارو کمپنیه‌لری نینگ فرقلی بولگنی سبب، فرقی بار، بیراق ینه هم کنترول قیلهمیز. شرکت یا-ده دارو‌خانه‌دن آلینه‌دیگن بیل گه قره‌گنده، مصاحبه آله‌میز، فیصدی‌سی ۱۵ فایز بولگنی صورت‌ده، مهرلاک قیلهمیز.»
دارو بهاسی نینگ فرقلی بولگنی و دارو کیفیتی نینگ قویی بولگنی، شونینگدیک کسل‌لر نینگ روپه‌ره بولگنلری قیین‌چیلیکلردن باشقه بیری دیر.
آزیق-آوقات و دارو ملی اداره‌سی نینگ آماری اساسیده، افغانستان نیازی بولگن ۸۰ فایز دارو نی مملکت تشقی‌دن وارد قیله‌دی و اوشبو مملکت یشاوچیلری، ییل‌ده بیر میلیارد دالر نی دارو آلینیشی خصوصیده صرف‌له‌یدی.
