افغانستان ده باله‌لر گه و اولر نینگ احتیاج‌لری گه اعتبار بیریلمه‌یاتگن بیر شرایط ده، باران باسمه خانه‌سی باله‌لر ادبیاتینی باییتیش مقصدیده «افسانه‌های کهن» آتیده ۱۰ عنوان کتاب چاپ قیلگن.
بیر قطار عایله‌لر، اوشبو کتاب‌لر چاپ ایتیلیشیدن خورسندلیک قیلیب ایتیشلریچه، باله‌لر مذکور کتاب‌لرنی اوقیش بیلن فکرلری اولغه یه‌دی.
اوشبو حکایه‌لر توپلمی مؤلفی سهراب عمر نینگ ایتیشیچه: «ارسلان و ایشک، ارسلان و سیچقان، بوری و لک‌لک، یاشیرینچ گنج، ایکی ایچکی، اییق و ایکی سیاحتچی، تولکی و قرغه، شغال و تویه، زیرک آت عنوان‌لریده کتاب چاپ ایتیلگن، کوپراق کابل، فاریاب، سرپل، وردک و غزنی ولایت‌لریده تاپیله‌دی.»
بیزلرنینگ فیسبوک صحیفه‌میزگه باش اورینگ!
باران باسمه خانه‌سی، ۵ یاشر باله‌لر اوچون اوشبو کتاب‌لر اوقیلیشینی مناسب دیب ایتیشیچه، اوچ یاشلی باله‌لر گه بویوک‌لر اوقیب بیریشی کیره‌ک.
باران باسمه خانه‌سی مسئوللری گه کوره، اولکه یشاوچیلریدن قطاری «افسانه‌های کهن» کتابینی خوش له‌گنلر.
کابل یشاوچیلریدن امرالله قریشی نینگ ایتیشیچه، باله‌لر اوچون بو گَل کتاب‌لر چاپ ایتیلیشی اونملی دیر.
اونگه کوره: «باله‌لر مذکور کتاب‌لردن شفقت، بیر_بیراوینی قبول قیلیش، بویوک‌لر گه حرمت قیلیش و شهرنشین‌لیک فرهنگینی اورگنه‌دیلر.»
افسانه‌های کهن کتابینی اوقیگن مصور اسملی باله نینگ ایتیشیچه، بو کبی کتاب‌لرنی اوقیش بیلن اویین گه علاوه کوپ نرسه‌لرنی اورگنه‌دیلر.
مصور نینگ کوپه‌یتیریشیچه: «بیز اوشبو کتاب‌لردن عایله اعضالریمیز گه حرمت قیلیش، یازیش، یخشی اویلش و شهرنشین‌لیک فرهنگینی اورگنه‌میز.»
باله‌لر روان‌شناسی تهمینه قادری گه کوره، بو کتاب‌لر باله‌لرنی مکتب اوچون تیار قیله‌دی.
بیزلرنینگ توییترده هم تعقیب قیلینگ!
اونینگ ایتیشیچه: «بو کتاب‌لر باله‌لر نینگ لغاتینی باییته‌دی، حیوان‌لر و نرسه‌لر آتینی اورگته‌دی، باله‌لر نینگ اجتماعی بولیشی اوچون یاردم بیره‌دی، مکتب باریش اوچون باله‌لرنی تیار قیله‌دی و باله‌لر نینگ تیلی اوتکیرلیگی گه یاردم بیره‌دی.»
باران باسمه خانه‌سی، اون ییل دن بویان دینی، فرهنگی و اجتماعی ساحه‌لرده ۱۵۰ عنوان کتاب نی چاپ قیلگن.