بادغیس محلی مسئوللری نینگ ایتیشلریچه، بوگون (جمعه، ۳۰-سرطان) اوشبو ولایت‌ده بیر موتر نینگ چپه بولگنی نتیجه‌سیده، اوچ کیشی هلاک بولگن.
مذکور ولایت خوفسیزلیک قوماندانلیگی نینگ مطبوعاتی دفتری بیر خبرنامه ترقه‌تیش بیلن ایتیشیچه، قلعه‌‌نو-هرات قتناو یولیده یوک تاشووچی بیر موتر نینگ چپه بولگنی نتیجه‌سیده، موتر هیداچیسی شامل اوچ کیشی هلاک بولگن.
بیزلرنینگ فیسبوک صحیفه‌میزگه باش اورینگ!
خبرنامه‌ده کیلیشیچه، مذکور حادثه هیداوچیسی نینگ احتیاط‌سیزلیگی و تیز هیده‌یشی سبب، یوز بیرگن.
عین حالده، بادغیس محلی مسئوللری نینگ معلوماتی اساسیده، جاری ییل نینگ باشیدن حاضرگچه بادغیس ده یوز بیرگن ترافیکی حادثه‌لر نتیجه‌سیده، اون کیشی اولیب و باله‌لر و عیاللر شامل ۲۳ کیشی یره‌لنگن.
بیزلرنینگ توییترده هم تعقیب قیلینگ!
باشقه بیر تامان‌دن، بامیان محلی رسمی‌لری نینگ ایتیشلریچه، اوشبو ولایت‌ده یوز بیرگن ترافیکی حادثهده بیر کیشی هلاک بولگن دیر.
مذکور حادثه بوگون جمعه بامیان مرکزی ساحه‌سیده یوز بیرگن.
ایتیش کیره‌ک که، سونگی کون‌لر مملکت نینگ قطار ولایت‌لریده ترافیکی حادثه‌لر کوپه‌یگن که، اولردن کوپینچه‌سی نینگ سببی، هیداوچیلر نینگ دقت‌سیزلیگی و یول‌لر نینگ بوزوق‌لیگی عنوان قیلینه‌دی.
