اسلام امیرلیگی سرپرست حکومت ایچکی ایشلر وزیرلیگی، بیر بیانیه ترقه‌تیش بیلن اعلام قیلیشیچه، بوگون عصر چاغی (جمعه، ۲۸-ثور)، بامیان شهری‌ده اهالی گه قرشی اوق آتیلیب و نتیجه‌ده، اوچ کیشی جمله‌دن بیر افغانستان‌لیک بیلن ایکی چیت‌ایللیک یشاوچی هلاک بولگن.
مذکور وزیرلیککه کوره، اوشبو واقعه‌ده تورت کیشی جمله‌دن اوچ افغانستان‌لیک بیلن بیر چیت‌ایللیک یشاوچی یره‌لنگن. ایچکی ایشلر وزیرلیگی نینگ کوپه‌یتیریشیچه، خوفسیزلیک کوچلری واقعه عامللری نی تانیش و قولگه آلیش اوچون سعی‌وحرکتلرینی باشلب و حاضرگچه بو واقعه گه تیگیشلی تورت کیشی نی قولگه آلگنلر.
بیزلرنینگ «ایکس» ترماغی ده هم تعقیب قیلینگ!
ایچکی ایشلر وزیرلیگی نینگ اورغولشیچه: «افغانستان اسلام امیرلیگی بو جنایت نی جدی شکلده قاره‌له‌یدی. قربان بولگنلر نینگ عایله‌لری گه قیغوداشلیک بیلدیره‌دی و قضیه گه تیگیشلی مجرم‌لر نی تاپیب و جزالنیشلری خصوصیده ایشانچ بیره‌دی.»
بامیان ده محلی منبع‌لر نینگ سلام‌وطندار گه ایتیشلریچه، اوشبو ولایت مرکزی‌ده ناتانیش قوراللی کیشیلر، چیت‌ایللیک سیاحتچیلر شامل نیچه کیشی نی اوققه توتگنلر.
بیزلرنینگ فیسبوک صحیفه‌میزگه باش اورینگ!
منبع‌لر گه کوره، اوشبو قوراللی هجوم‌ده نیچه چیت‌ایللیک سیاحتچی بیلن همراه‌لری نشانگه آلینگن. منبع‌لر نینگ کوپه‌یتیریشلریچه، مذکور هجوم بوگون عصر چاغی (جمعه، ۲۸-ثور)، بامیان مرکزی «سر بازار» ساحه‌سیده جایلشگن «هایلند» هوتلی برابریده صورت تاپگن.
حاضرگچه بیرار گروه یا-ده شخص اوشبو واقعه مسئولیتی نی بوینیگه آلمه‌گن.
