بهار موسومی ییتیب کیلگنی بیلن بیرگه، بلخ ولایتی مرکزی مزارشریف شهری نینگ تورلی سرک‌لری یانیده اوتیب-قیته‌دیگنلر توجه‌سینی اوزیگه قره‌تیش مقصد گل ساتووچیلر آرقه‌لی رنگ-برنگ گل‌لر و میوه‌لی و میوه‌سیز کوچتلر نمایش گه قوییلگن.
لیکن اوشبو ولایت‌ده ینه هم تازه گل‌لر و کوچتلر نینگ ساتیب آله‌دیگنلر سانی آز بولیب واونچه کیشی گل و کوچت آلیش گه قیزیقمه‌یدی.
بیزلرنینگ «ایکس» ترماغی ده هم تعقیب قیلینگ!
مزارشریف شهری‌ده تازه گل ساته‌دیگنلر نینگ ایتیشلریچه، بو ییل اوتگن ییللر گه قره‌گنده گل و کوچت سوداسی اونچه‌لیک یخشی ایمس.
بلخ مرکزی‌ده‌گی گل ساته‌دیگنلردن قطاری نینگ سلام‌وطندار گه ایتیشیچه، بو ییل اوتگن ییللر گه قره‌گنده تازه گل و کوچت ساتیب آلینیشی خصوصیده اهالی قیزیقیشی کمه‌یب و تازه گل‌لر ایسه قوروماق خوفی بیلن روپه‌ره بولگن.
اوشبو ولایت‌ده‌گی گل ساته‌دیگنلردن نیک محمد نینگ ایتیشیچه: «بو ییل هیچ ساتیب آله‌دیگن یوق. اوتگن ییللر گل بازاری یخشی ایدی. بو ییل اوتگن ییللر بازاری نینگ یریمی هم ایمس. گل و کوچت خصوصیده اهالی قیزیقیشی کمه‌یگن. اولر نینگ گل و کوچت آلمسلیگی اوچون ایش و درآمد هم یوق.»
شونینگدیک مزارشریف شهری‌ده‌گی گل ساته‌دیگنلردن باشقه بیری عبدالحکیم نینگ ایتیشیچه: «بو ییل اونچه‌لیک ساتیش یوق. اهالی اقتصادی وضعیتی ضعیف بولگن و عایله خره‌جتلری تامین قیله آلمه‌یدیلر. انه شوو سبب گل و کوچت ساتیب آلمه‌یدیلر.»
لیکن بلخ ایکینچیلیک، سووغاریش و چاروه‌چیلیک ریاستی مسئوللری نینگ ایتیشلریچه، سونگی کونلر گل و کوچت ایکیلیشی و ییتیشتیریلیشی خصوصیده اهالی قیزیقیشی کوپه‌یگن دیر.
بیزلرنینگ فیسبوک صحیفه‌میزگه باش اورینگ!
بلخ ایکینچیلیک، سووغاریش و چاروه‌چیلیک ریاستی نینگ ایکینچیلک رواجلنیشی بولیمی مدیری محمدحسین عظیمی، جاری ییل اوشبو ولایت‌ده هوا افلاسلنیشی آلدی آلینیشی و یشیل ساحه‌لر کوپه‌یشی اوچون مذکور ریاست نینگ سعی‌وحرکتلرینی بیان قیلیب سلام‌وطندار گه ایتیشیچه: «گل ییتیشتیریش خصوصیده اهالی قیزیقیشی کوپه‌یگن. حاضر ایسه بلخ ده گل و اوسیم‌لیک نینگ سقلنیشی و ساتیلیشی اوچون ۱۵ جای بار. برچه یشاوچی گل سقلش گه علاقه‌سی بار. ایکینچیلیک ریاستی هم گل ییتیشتیریلیشی رواجلنیشی اوچون سعی‌وحرکت قیله‌دی.»
بولر گه علاوه، بلخ ولایتی یشاوچیلریدن قطاری شهر بویلب زینتی گل‌لر نینگ سقلنیشی و ییتیشتیریلیشی، یشیل ساحه‌لردن مراقبت قیلینیشی و درخت ایکیلیشی فرهنگی رواجلنیشی خصوصیده تاکید قیلیب و پاک هوا ایجاد بولیشی اوچون یشیل ساحه‌لر و درخت‌لرنی فایده‌لی بیله‌دیلر.
اوشبو ولایت یشاوچیلریدن امیرمحمد نینگ ایتیشیچه: «کوچت ایکیلیش نینگ فایده‌لری کوپ و بو فرهنگ نینگ رواجلنیشی کیره‌ک. یشیل‌لیک اوچون ایکیله‌دیگن هر بیر درخت ۷۰ کیشی گه آکسیجن یره‌ته‌دی. بو فرهنگ نینگ رواجلنیشی کیره‌ک.»
شونینگدیک بلخ ولایتی یشاوچیلریدن باشقه بیری الیاس نینگ ایتیشیچه: «اهالی‌دن کوپراق درخت ایکیشلری نی ایسته‌یمیز که بو رقم منطقه‌لری پاک و یشیل بولسین.»
گرچند مملکت یشیل‌لیگی اوچون اهالی دایم گل و اوسیم‌لیکلر ییتیشتیریلیشی و درختلر نینگ سقلنیشی و ایکیلیشی نی فایده‌لی بیلگنی بیرحالده؛ لیکن اولر نینگ سقلنیشی خصوصیده توجه‌سیزلیک سبب هر ییلی سرکلر یانیده ایکیلگن مینگلرچه کوچت قوریب کیته‌دی.