افغان قیزیل آی جمعیتی گه یاردم ییغیش مخصوص هفته‌سی مناسبتی بیلن، اوتگن کون (سه‌شنبه، ۲۴-میزان)، بلخ ده بیر برنامه یولگه قوییلگن.
اوشبو برنامهده بلخ ده افغان قیزیل آی جمعیتی دفتری باشلیغی محمدیونس معصومی نینگ ایتیشیچه، اوشبو ولایت‌ده بیر مینگ ۳۰۰ باله نینگ توغمه یوره‌ک کسل‌لیگی گه چلینگنی انیق‌لنیب و اولر نینگ دوالنیشی اوچون بیر یریم میلیون دالر گه نیاز بار.
بیزلرنینگ فیسبوک صحیفه‌میزگه باش اورینگ!
جناب معصومی، افغان قیزیل آی جمعیتی گه یاردم ییغیش مخصوص هفته‌سی مناسبتی بیلن یولگه قوییلگن برنامهده، حکومت، یاردم بیرووچی نهادلر و یشاوچیلردن توغمه یوره‌ک کسل‌لیگی گه چلینگن باله‌لر نینگ دوالنیشی خصوصیده همکارلیک قیلیشلرینی ایسته‌گن.
مذکور دفتر باشلیغی نینگ کوپه‌یتیریشیچه: «توغمه یوره‌ک کسل‌لیگی گه چلینگن ۱۳۰۰ باله، دوالنیش مرکزلر گه انتقال بیریلیب و ستندرد و تیزراق شکلده دروالنیش گه نیازی بار. حکومت، دولتی نهادلر و یشاوچیلر یاردم ییغیش مخصوص هفته‌سی‌ده یاردم بیریشلری کیره‌ک.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده بلخ حاکمی محمد‌یوسف وفا، مذکور ولایت‌ده فعالیت قیله‌دیگن دولتی و خصوصی نهادلر ایشلاوچیلریدن، افغان قیزیل آی جمعیتی دفتری گه یاردم بیریش کمپاینی گه حصه قوشیب، بیرکون‌لیک حقوقلری یا-ده آیلیک‌لری نینگ بو دفتر گه بیریشلرینی ایسته‌گن.
سوو تاشقین‌لر، زلزله‌‌لر، طبیعی و غیرطبیعی حادثه‌لر عاقبتیده زیان کورگن و آواره بولگن عایله‌لر گه یاردم بیریلیشی، توغمه یوره‌ک کسل‌لیگی گه چلینگن باله‌لر نینگ دوالنیشی، ساغلیق خذمتلر ارائه‌سی، روحی حمایت مرکزلریده‌گی کسل‌لر نینگ سقلنیشی بیلن دوالنیشی و باشقه بیر قطار موردلر، مملکت بویلب افغان قیزیل آی جمعیتی دفتری نینگ اساسی فعالیت‌لریدن دیر.
