بلخ قیشلاقلرنی رواجلنتیریش و قیته قوریش ریاستی مسئوللری، اوشبو ولایت بلخ و چمتال تومنلریده سوو ییتکزیش آلتی ترماق قوریلگنی‌دن خبر بیرگنلر.
مسئوللر گه کوره، مذکور آلتی ترماق‌نینگ قوریلیشی بیلن قریب ۱۰۰۰ عایله ایچیملیک سوو بیلن تامین‌لنگن.
بیزلرنینگ «ایکس» ترماغی ده هم تعقیب قیلینگ!
بلخ قیشلاقلرنی رواجلنتیریش و قیته قوریش باشلیغی یارمحمد شبیر‌نینگ ایتیشیچه، سوو ییتکزیش اوشبو آلتی ترماق «WHH» نهادی مالی حمایتی بیلن بیر ییل‌ده قوریلیب و بوگون (۶-حوت، دوشنبه)، فایده‌لنیش‌گه تاپشیریلگن.
بلخ قیشلاقلرنی رواجلنتیریش و قیته قوریش باشلیغی‌نینگ کوپه‌یتیریشیچه، بو ترماقلر قوریلیشی قریب ۲۴ میلیون افغانی خره‌جت کوتارگن.
یارمحمد شبیر‌نینگ اورغولشیچه: «اوشبو سوو ییتکزیش ترماقلر بلخ تومنی شهاب عربی قیشلاغی و چمتال تومنی خدرخیل، ینگی‌قلعه، چمتال مرکزی، بارگاه افغانی و بارگاه ترکمنیه‌ی قیشلاقلریده قوریلگن.»
مذکور قیشلاقلر یشاوچیلری، سوو تنقیص‌لیگی‌نینگ محللری‌ده‌گی اونملی قیین‌چیلیکلریدن بیری بولگنی نی بیان قیلیب و بو ترماق‌لرنینگ قوریلگنی‌دن خورسند‌لیک قیلگنلر. اولرنینگ ایتیشلریچه، بوندن آلدین ایچیملیک سوو یوقلیگی اوشبو تومنلر یشاوچیلری آره‌سیده کسل‌لیکلرنینگ اساسی سببلریدن بولیب و بو لایحه‌لر عمل‌گه آشیریلیشی اوشبو منطقه‌لرده سوو تنقیص‌لیگی قیین‌چیلیگی حلی توغریسیده اونملی آدیم دیر.
بیزلرنینگ فیسبوک صحیفه‌میزگه باش اورینگ!
چمتال تومنی «چمتال مرکزی» قیشلاغی یشاوچیسی عبدالله‌نینگ ایتیشیچه: «اوتمیش‌ده ایچیملیک سوو یوق ایدی؛ حوض‌لرگه ییغیله‌دیگن سیل و یامغیر سوولریدن فایده‌لنیش‌گه مجبور ایدیک. هر کون کسل ایدیک؛ حاضر شکر که پاک سوو ایچه‌میز.»
سوو تنقیص‌لیگی بحرانی، افغانستان شهرلری و قیشلاقلریده‌گی جدی قیین‌چیلیکلردن دیر. بوندن آلدین بیرلشگن ملتلر تشکیلاتی‌نینگ انسان‌سیورلیک یاردم‌لرنی هماهنگ قیلووچی ادراه‌سی (اوچا)، افغانستان ده عایله‌لردن ۳۹ فایزی‌نینگ ایچیملیک سوو تنقیص‌لیگی بیلن روپه‌ره بولگنلرینی اعلام قیلگن.
