بلخ مرکزی مزارشریف شهری‌ده ایچکی محصوللر گه بازار یره‌تیلیشی و اولر‌نینگ تانیشتیریلیشی مقصد، ایچکی محصولات، قول صناعتی و ایکینچیلیک محصوللری کورگزمه‌سی آچیلگن.
مذکور اوچ کون‌لیک کورگزمه، بوگون (۱۴-قوس، چهارشنبه)، صناعت و سوداگرلیک وزیرلیگی همکارلیگی‌ده، «کاپیسا باستان» شرکتی آرقه‌لی ۱۵۰دن آرتیق شرکت‌نینگ حضوری بیلن آچیلیگن.
بیزلرنینگ فیسبوک صحیفه‌میزگه باش اورینگ!
«کاپیسا باستان» شرکتی مسئولی محمدهاشم وهاج‌نینگ ایتیشیچه، اوشبو کورگزمه‌نینگ آچیلگنی‌دن مقصد، ایچکی محصولات‌دن قوللب-قوتلش، محصوللر‌نینگ مستقیم شکلده ساتیلیشی و اهالی‌نی ایچکی محصوللر بیلن تانیشتیریش دیر.
شونده‌ی بیرحالده، بلخ ده محلی مسئوللر بو کبی کورگزمه‌لر اوتکزیلیشی‌نینگ یشاوچیلر‌گه ایچکی محصوللرنی تانیشتیریش خصوصیده بیر فرصت و مملکت اقتصادی رواجلنیشی مقصد بیر اقدام دیب و حکومت آرقه‌لی ایشلب چیقرووچیلر‌نینگ کوپراق قوللب-قوتلنیشی‌‌گه تاکید قیلگنلر.
مذکور کورگزمه‌ده بلخ حاکمی اورین‌باسری نورالهادی ابوادریس، سوداگرلر گه کوپینچه آسایشته‌لیکلر یره‌تیلیشی خصوصیده ایشانچ بیریب و شونینگدیک باشقه سوداگرلردن مملکت گه قیتیشلرینی ایسته‌گن.
باشقه بیر تاماندن، بلخ صناعت و سوداگرلیک ریاستی اورین‌باسری نصیراحمد نیازی‌نینگ ایتیشیچه، صنعتی پارک‌لر ساحه‌سی کینگه‌یگنی، باجخانه تعرفه‌لری کمه‌یگنی و سوداگرلیک دهلیزلری فعال بولگنی، سرپرست حکومت‌نینگ افغانستان‌لیک سوداگرلری‌دن قوللب-قوتلش توغریسیده‌گی اینگ اونملی سعی‌وحرکتلریدن بیری دیر.
بیزلرنینگ «ایکس» ترماغی ده هم تعقیب قیلینگ!
اوشبو کورگزمه‌ده غرفه آلگن ایشلب چیقرووچیلردن قطاری‌نینگ ایتیشلریچه، مذکور کورگزمه ایچکی محصولات بیلن اهالی‌نینگ تانیتیشتیریش‌گه زمینه یره‌ته‌دی. شونینگدیک اولر یشاوچیلردن ایچکی محصوللردن قوللنیش بیلن ایچکی ایشلب چیقرووچیلردن حمایت قیلیشلرینی ایسته‌گنلر.
