بغلان ولایتی اندراب نینگ ده‌صلاح تومنی یشاوچیلری، اوشبو ولایت‌ده‌گی ۵۰ اورین‌لی کسلخانه نینگ بیر قطار بولیم‌لری ویران بولیشی‌دن خواطر بیلدیریب، مذکور کسلخانه نینگ قوریلیش ایشی یکونلنیشی و فعال بولیشی نی ایسته‌گنلر. اولر گه کوره، اوشبو کسلخانه نینگ قوریلیش ایشی جمهوریت توزومی‌ده باشلنیب و اونینگ ۲۰ فایز ایشی یریم قالگن.
شو بیلن بیرگه، بغلان ولایتی اندراب نینگ ده‌صلاح تومنی‌ده جایلشگن «جامع صحی» کلینیکی‌ده‌گی کسل‌لر و مراجعت قیلووچیلردن قطاری، اوشبو مرکزده طبی خذمت‌لر کم‌لیگی‌دن شکایت قیلیب و ایتیشلریچه، اولر دوالش اوچون کسل‌لری نی اوشبو ولایت نینگ باشقه بولیم‌لری و کابل گه انتقال بیریشلری کیره‌ک. اولر نینگ کوپه‌یتیریشلریچه، ۵۰ اورین‌لی کسلخانه نینگ فعال بولگنی پیتده، قیینچیلیکلری نینگ کمه‌یشی ممکن.
بیزلرنینگ فیسبوک صحیفه‌میزگه باش اورینگ!
جامع صحی کلینیکی‌ده‌گی کسل‌لردن بیری ناجیه نینگ ایتیشیچه: «کوپینچه پیت دوامیز یوق و تیزلیککه کیلتیریلمه‌یدی، خذمت‌لر بار شفاکارلر بار؛ لیکن قیین‌چیلیک دارو دیر. ۵۰ اورین‌لی کسلخانه توزه‌تیلگنی پیتده، کوپ یخشی بوله‌دی. او ییر بویوک و قیین‌چیلیکلریمیز حل بوله‌دی.»
مذکور طبی مرکز گه مراجعت قیلگن عبدالصبور نینگ ایتیشیچه: «بو ییر نینگ قیینچیلیکلری کوپ دیر. بو ییرده کسلخانه فعال بولگنی‌ده، بستر کوپه‌یه‌دی و کسل‌لردن کوپینچه‌سی درمان‌لنه‌دی.»
اندراب نینگ ده‌صلاح تومنی‌ده جامع طحی کلینیک‌ده شفاکارلردن قطاری نینگ ایتیشیلرچه، مذکور کلینیک اوشبو تومن یشاوچیلری گه طبی خذمت‌لر ارائه‌سی اوچون ییترلی ایمس و ۵۰ اورین‌لی کسلخانه قوریلیش ایشی نینگ یکونلنیشی کیره‌ک.
مذکور طبی مرکز مسئولی آغاشیرین نینگ ایتیشیچه: «بو اساس‌ده، کسل‌لر نینگ بیروباری کوپ دیر، چونکه مرکزی تومن‌ده‌میز. برچه تومن‌لردن یشاوچیلر بو ییرگه کیله‌دی و طبی مرکزده ییترلی طبی خذمت‌لر ارائه بولمه‌یدی. بوندن آلدین قوریلگن ۵۰ اورین‌لی کسلخانه نینگ فعال بولینیشی نی ایسته‌یمیز؛ چونکه بو ییر کیچیک و خذمت‌لر درست بیر شکلده ارائه بولمه‌یدی.»
بیزلرنینگ «ایکس» ترماغی ده هم تعقیب قیلینگ!
باشقه بیر تامان‌دن، اندراب نینگ ده‌صلاح تومنی ترقیاتی کینگشی رئیسی رحم خدا نینگ ایتیشیچه، مذکور کسلخانه نینگ قوریلیش ایشی جمهوریت توزومی‌ده باشلنیب و اونینگ ۸۰ فایز ایشی یکونلنگن؛ بیراق اونگه کوره، خوفسیزلیک قیین‌چیلیک‌لر سبب، ایشی یریم قالگن ایدی. رحم خدا نینگ کوپه‌یتیریشیچه، اوشبو کسلخانه نینگ تام و دیوارلریدن قطاری کوچلی یامغیرلر سبب، ویران بولگن و بناسی اورته‌دن کیتماقده دیر. اونینگ ایتیشیچه، اوتگن ایکی ییلده نیچه مرته قراردادی شرکت‌لر اوشبو کسلخانه نینگ قوریلیش ایشی نی تکمیل قیلیش نی ایسته‌گنلر؛ بیراق رحم خدا گه کوره، مذکور شرکت‌لر هم پول نینگ مکمل شکلده توللنمه‌گنی سبب، ایش‌دن قول تارتگنلر.
اونینگ کوپه‌یتیریشیچه: «وزیرلیککه باردیک، حاکم شرکتی نی کوردیک که کیلیب قالگن ۲۰ فایز ایش نی بیتیرسین‌لر دیب. بیر لایه تام نینگ تیمیری اورته‌دن کیتگن و چکک قیلگن. شرکت‌لر یانیگه باردیک اولر ۶۰ میلیون پولیمیز سابق دولت‌ده قالگن او پول‌لریمیز نی کیم بیره‌دی؟ هر قچان پولیمیز توللنیلسه، مذکور کسلخانه نینگ فایده‌لنیش گه تاپشیره‌میز دییدیلر.»
عین حالده، بغلان ساغلیق‌نی سقلش ریاستی مسئوللری نینگ ایتیشلریچه، ایشی یریم قالگن پروژه خصوصیده ساغلیق‌نی سقلش وزیرلیگی بیلن صحبت قیلگنلر و اولر گه کوره، اوشبو وزیرلیک تامانیدن امکانیت‌لر نینگ یره‌تیلگنی صورت‌ده، بو پروژه‌لر ایشی نینگ تکمیل بولیشی ممکن.
بغلان ساغلیق‌نی سقلش ریاستی اورین‌باسری نیازمحمد اکاخیل نینگ سلام‌وطندار گه ایتیشیچه: «بو موضوع نی رسماً وزیرلیک بیلن شریک قیلگن‌میز و خذمت‌لر گه نیازی بولگن ساحه‌لر نی پلان گه آلگن‌میز؛ بو قیین‌چیلیک وزیرلیک بیلن شریک بولینگن و ان‌شاء‌الله امکانیت قولگه کیلگنی‌ده، اوشبو پروژه‌لر نینگ تکمیل بولیشی ممکن.»
بغلان ولایتی اندراب نینگ ده‌صلاح تومنی‌ده ۵۰ اورین‌لی کسلخانه، سکیز جریب ییرده، ۱۷۸ میلیون ۲۵۷ مینگ ۸۸۹ افغانی خره‌جت بیلن، اوشبو مملکت ساغلیق‌نی سقلش وزیرلیگی آرقه‌لی ۱۳۹۲-ییلده تمل تاشی قوییلیب و اونینگ ایشی ۱۳۹۵-ییل گه تکمیل بولیب و فعالیت گه باشله‌یشی کوتیب توریلگن ایکن.
