افغانستان سرپرست حکومتی نینگ قاچقینلر وزیرلیگی، بغلان ده جمعه کونی یوز بیرگن اولیملی سوو تاشقینلرده اولگنلر سانی نی ۳۱۵ کیشی و یره‌لنگنلر سانی نی ۱۶۳۰ کیشی دیب اعلام قیلگن.
اوشبو وزیرلیک بوگون (یکشنبه، ۲۳-ثور)، اوز اکس صحیفه‌سیده یازیشیچه، مذکور سوو تاشقین‌لر نتیجه‌سیده، ۲۶۶۵ یشش اوی بوتولی و قسمی شکلده ویران بولیب و ۱۰۰۰ باش چاروه ایسه تلف بولگن.
بیزلرنینگ فیسبوک صحیفه‌میزگه باش اورینگ!
قاچقینلر وزیرلیگی گه کوره، بغلان ده قاچقینلر ایشلری بوییچه باشلیغی محمدابراهیم عمری زیان ییتیشگن ساحه‌لریدن کوریب چیقیب، اوز گزارشیده بغلان مرکزی تومنی نینگ «شیخ جلال» و «شهرک صلح» قیشلاقلری و برکه تومنی نینگ «شرشر» قیشلاغیده سوو تاشقین‌لر نتیجه‌سیده، ۳۱۵ کیشی نینگ اولگنی و ۱۶۳۰ کیشی نینگ یره‌لنگنی نی بیان قیلگن.
قاچقینلر وزیرلیگی نینگ ایتیشیچه، اوشبو رقم‌لر دستلبکی بولیب و تلفات بیلن مالی زیان‌لر نینگ کوپه‌یشی ممکن.
بیزلرنینگ «ایکس» ترماغی ده هم تعقیب قیلینگ!
ایتیش کیره‌ک که، جمعه کونی افغانستان نینگ شمال و شمال شرقی ولایتلری ویران قیلووچی سوو تاشقین‌لر نینگ یوز بیریشی گه شاهد بولیب و بغلان ایسه اینگ کوپ زیان کورگن ولایت دیب اعلام بولگن.
بیرلشگن ملتلر تشکیلاتی نینگ آزیق-آوقت دستوری اوتگن کون توش‌دن کیین، بغلان ده سوو تاشقینی یوز بیرگنی نتیجه‌سیده، ۳۰۰دن آرتیق کیشی نینگ اولیب و ۱۰۰۰دن آرتیق یشش اوی نینگ ویران بولگنی نی اعلام قیلگن ایدی.
