بادغیس محلی مسئوللری نینگ ایتیشلریچه، یک‌شنبه کونی، ۲۹ اسد، اوشبو ولایت امر معروف ونهی عن‌المنکر ریاستی محتسب‌لری، آلتی مسلکی «تعویذ» یازوچینی قولگه آلگنلر.
بادغیس حاکمی مطبوعاتی دفتری بیر بیانیه ترقه‌تیب ایتیشیچه، مذکور کیشی‌لر اسلام دینی قاعده‌لری گه قرشی جادوگرلیک و تعویذ یازیب و عایله‌لر نینگ اجره‌لیشی و اولر آره‌سیده جنجل تاپیلیشی گه سبب بولگن.
بیزلرنینگ فیسبوک صحیفه‌میزگه باش اورینگ!
بیانیه ده کیلیشیچه، اوشبو جادوگرلر و تعویذ یازووچیلر، مذکور ولایت امر معروف و نهی عن‌المنکر ریاستی محتسب‌لری تامانیدن تعویذ یازیش پیتیده قولگه آلینگنلر.
بیانیه اساسیده، اوشبو کیشی‌لر آلدیدن تاپیلگن تعویذ یازووچی کتاب و باشقه نرسه‌لر، قطار یاش‌لرنی خاتین‌لریدن اجره‌تیب و عایله‌لر اورته‌سیده جنجل تاپیلیشی گه سبب بولگنیدن درک بیره‌دی.
بیانیه ده کیلیشیچه، حبس گه آلینگن تعویذ یازووچیلر عدلی و قضایی نهادلر گه تاپشیریلگنلر.
بیزلرنینگ توییترده هم تعقیب قیلینگ!
بوندن آلدین، امر معروف و نهی عن‌المنکر وزیرلیگی، افغانستان بویلب «جادوگرلر» (تعویذ یازووچیلر) نینگ آلدینی آلیب و اسلام قاعده‌لری گه قرشی فعالیت آلیب باره‌یاتگن جادوگرلر قولگه آلینیب و محکمه گه تانیشتیریلیشینی معلوم قیلگن ایدی.