بدخشان محلی مسئوللری نینگ ایتیشلریچه، اوشبو ولایت یفتل پایین تومنی نینگ «دهن سابات» منطقه‌سیده یوز بیرگن ترافیکی حادثه نتیجه‌سیده، تورت کیشی اولیب و ییتی کیشی ایسه یره‌لنگن.
بدخشان معلومات و مدنیت ریاستی اطلاعات آمری حکمت‌الله محمدی نینگ ایتیشیچه، مذکور حادثه اوتگن کیچه ساعت ۱۰:۰۰ اطرافیده یوز بیریب و بو کیشی‌لر بدخشان نینگ راغستان تومنی‌دن «لندکروزر» رسوملی بیر موتر بیلن اوشبو ولایت مرکزی فیض‌آباد شهری تامان حرکت قیلگن ایکنلر.
بیزلرنینگ «ایکس» ترماغی ده هم تعقیب قیلینگ!
بدخشان معلومات و مدنیت ریاستی اطلاعات آمری گه کوره، بو حادثه نتیجه‌سیده اولگنلر و یره‌لنگنلردن برچه‌سی لغمان یشاوچیسی و ایشچی ایکنلر.
محمدی نینگ کوپه‌یتیریشیچه، اوشبو حادثه‌ده یره‌لنگنلر دوالنیش اوچون مذکور ولایت نینگ ولایتی کسل‌خانه‌سی گه انتقال بیریلگن.
بیزلرنینگ فیسبوک صحیفه‌میزگه باش اورینگ!
مذکور حادثه سببی، یفتل پایین تومنی قیین یوللری بیلن هیداوچیسی نینگ تانیش بولمه‌گنی عنوان قیلینگن.
