بدخشان طبیعی حادثه‌لر گه قرشی کوره‌ش ریاستی مسئوللری نینگ ایتیشلریچه، اوشبو ولایت مرکزی فیض‌آباد شهری نینگ «مورچک» قیشلاغیده یوز بیرگن سوو تاشقینلر نتیجه‌سیده، بیر عایله نینگ ۱۰ اعضاسی هلاک بولگن.
بدخشان طبیعی حادثه‌لر گه قرشی کوره‌ش ریاستی نینگ حادثه‌لرگه ییتیشیش بوییچه آمری محمد کامگار نینگ ایتیشیچه، اولگن کیشی‌لردن بیرته‌سی نینگ جسدی تاپیلگن و باشقه توقیز ته‌سی نینگ جسدی حاضرگچه یوقالیب و اولر نینگ تاپیش اوچون سعی‌وحرکت نینگ دوامی بار.
بیزلرنینگ فیسبوک صحیفه‌میزگه باش اورینگ!
کامگار گه کوره، اوتگن کیچه یوز بیرگن سوو تاشقینلر طفیلی اهالی گه ییتیشگن زیانلر حقیده، حاضرگچه انیق معلومات قولگه یوق.
ایتیش کیره‌ک که، اوتگن کیچه بدخشان مرکزی فیض‌آباد شهری نینگ مورچک، پسی جر، دریجانی و چتراق قیشلاق‌لری و اوشبو ولایت نینگ ارگو تومنی‌ده سووتاشقینی یوز بیریب و اهالی گه جانی و مالی زیان ییتیشتیرگن.
