بدخشان ده محلی منبع‌لر نینگ سلام‌وطندار گه ایتیشلریچه، اوشبو ولایت نینگ تگاب تومنیده، باله‌لر آره‌سیده قول بمبی پارتلشی عاقبتیده ایکی باله هلاک بولیب و باشقه بیش باله یره‌لنگن.
منبع‌لر نینگ کوپه‌یتیریشیچه، مذکور واقعه چهارشنبه کونی، ۲ حمل، تگاب تومنی «شهیدکان» قیشلاغیده باله‌لر نینگ آیسکریم ساتیب آلیشی پیتیده یوز بیرگن.
بیزلرنینگ فیسبوک صحیفه‌میزگه باش اورینگ!
منبع‌لر گه کوره، اوشبو واقعه باله‌لردن بیری باشقه تیمیر‌لر آره‌سیده پارتلمه‌ی قالگن قول بمبی نی ساتیش اوچون، آیسکریم فروش آلدی گه آلیب کیلیب و پارتلشی سبب یوز بیرگن.
منبع‌لر نینگ ایتیشلرچه، مذکور واقعه طفیلی قربان بولگنلر و یره‌لنگلر ۵ و ۱۰ یاشلی باله‌لر دیر و محل یشاوچیلری، یره‌لنگلرنی تخار ولایتی کسلخانه‌سیگه انتقال بیریشگن.
بیزلرنینگ توییترده هم تعقیب قیلینگ!
بدخشان محلی مسئوللری بوتوغریده حاضرگچه هیچ نرسه دیمه‌گنلر.
ایتیش کیره‌ک که، اوتگن اوروش‌لردن پارتلمه‌ی قالگن ماین و یراغ‌لر، تورلی ولایت‌لرده هردایم یشاوچیلردن قربان‌لیک آله‌دی.
