بدخشان ده محلی مسئوللر‌نینگ ایتیشلریچه، اوشبو ولایت‌ده قتیق قار یاغیش و هوا ساووق‌لیگی طفیلی اوچ باله اولگن.
بدخشان معلومات و مدنیت ریاستی اطلاعات آمری حکمت‌الله محمدی‌نینگ ایتیشیچه، مذکور واقعه اوتگن کون توش‌دن کیین (۹-قوس، جمعه)، اوشبو ولایت راغستان تومنی‌ده یوز بیرگن.
بیزلرنینگ «ایکس» ترماغی ده هم تعقیب قیلینگ!
جناب محمدی‌نینگ کوپه‌یتیریشیچه، مذکور باله‌لر راغستان تومنی‌‌نینگ «نوآباد سیاب» منطقه‌سیدن «کالر» قیشلاغی تامان باریشلری چاغیده، قتیق قار یاغیش و هوا ساووق‌لیگی طفیلی اولگنلر.
بدخشان معلومات و مدنیت ریاستی‌‌نینگ اطلاعات آمری‌گه کوره، اولگن باله‌لر ۹-۱۲ یاش آره‌سیده ایکنلر.
بیزلرنینگ فیسبوک صحیفه‌میزگه باش اورینگ!
افغانستان‌نینگ شمال‌شرقی‌ده جایلشگن بدخشان، تاغلی و ساووق ولایت‌لردن بیری دیر و شونینگدیک بوندن آلدین هم مذکور ولایت‌ده بو کبی واقعه‌لر یوز بیرگن.
