بدخشان امنیه قوماندان‌لیگی‌ده مسئوللر‌نینگ ایتیشلریچه، بنگیوار ماده‌لر گه قرشی اوتکزیلگن بیر عملیا‌ت‌ده، خوفسیزلیک کوچلری آرقه‌لی اوشبو ولایت‌نینگ تورلی تومن‌لریدن کوکنار ایکیش سبب ۱۰۰دن آرتیق دهقان قولگه آلینگن.
بدخشان امنیه قوماندان‌لیگی‌ده مسئوللر‌نینگ کوپه‌یتیریشلریچه، مذکور عملیات اوشبو ولایت‌ده کوکنار ایکیلیشی و بنگیوار ماده‌لر‌نینگ بوتونلی شکلده اورته‌دن کیتگزیلیشی مقصد اوتکزیلگن.
بیزلرنینگ «ایکس» ترماغی ده هم تعقیب قیلینگ!
بدخشان امنیه قوماندان‌لیگی‌نینگ بنگیوار ماده‌لر گه قرشی کوره‌ش مدیری شفیق‌الله حفیظی گه کوره، مذکور کیشی‌لر اوشبو ولایت‌نینگ ارگو، درایم، یفتل پایین، جرم، شهدا و بهارک تومن‌لری‌نینگ تورلی قیشلاق‌لریده کوکنار ایکیش چاغیده تانیلیب و قولگه آلینگنلر.
شفیق‌الله حفیظی‌نینگ ایتیشیچه، اوشبو عملیات جریانیده قولگه آلینگن کیشی‌لر یانیدن ۷۵ ته موبایل هم ضبط بولگن. اونینگ اورغولشیچه، قولگه آلینگن کیشی‌لر، دوسیه‌لری بیلن بدخشان‌ده باشلنغیچ شهری محکمه‌سیگه تانیشتیریلگن.
بیزلرنینگ فیسبوک صحیفه‌میزگه باش اورینگ!
ایتیش کیره‌ک که، مذکور عملیات ۱۱-قوس، یک‌شنبه کونی ایرته‌لب، بدخشان ده بنگیوار ماده‌لر قیین‌چیلیگی بیلن قرشی کوره‌ش مقصد اوتکزیلگن.
