بدخشان ده‌گی کسل‌لردن بیرقطاری نینگ ایتیشلریچه، اوشبو ولایت نینگ ولایتی کسلخانه‌سی قان بانکی ده قان ییتیشمسلیگی باعث، باشقه ییرلردن قان ساتیب آلیش گه مجبور بولگنلر.
بدخشان مرکزی فیض‌آباد شهری ده ولایتی کسلخانه گه کیلگن جرم تومنی یشاوچیسی نویده، حاضر قان گه احتیاجی بار ایتیشیچه: «قانگه احتیاجیم بار ایدی، قان بانکی ده قان یوق ایکن، بیر کیشی گه بیش مینگ بیریب ۵۰۰ سی‌سی قان ساتیب آلدیک. حاضر او قان بیتدی، قابله ایسه قان کیره‌ک دیدی. قییردن قیله‌ی؟ ایریم غریب‌کار دیر.»
بیزلرنینگ فیسبوک صحیفه‌میزگه باش اورینگ!
کسل خاتینینی بدخشان مرکزی فیض‌آباد شهری ده ولایتی کسلخانه گه درمان اوچون آلیب کیلگن مذکور ولایت نینگ زیباک تومنی یشاوچیسی لعل‌محمد گه کوره، اوشبو کسلخانه قان ییتیشمسلیگی بیلن روپه‌ره بولگن. او نینگ کوپه‌یتیریشیچه: خاتینیم کسل دیر، نسایی_ولادی بولیمی قان ییتیشمسلیگی بیلن دوچ بولگن. بو ییرده قان تاپمه‌دیک. باشقه قان ساتیب آلیش گه کوچیمیز ییتمه‌یدی.»
بدخشان ولایتی کسلخانه‌سیده‌گی شفاکارلر، مذکور کسلخانه ده قان ییتیشمسلیگینی تصدیقلب ایتیشلریچه، وضعیت شونده‌ی دوام ایتگن تقدیرده، قان گه احتیاجی بار کسل‌لر وفات ایتیش‌لری ممکن.
بدخشان ولایتی کسلخانه‌سیده نسایی_ولادی بولیمی شفاکاری گیتی فرح گه کوره، سونگی کون‌لرده اوشبو کسلخانه نینگ قان بانکی قان ییتیشمسلیگی بیلن روپه‌ره بولگن. او نینگ کوپه‌یتیریشیچه: «نسایی_ولادی بولیمی ده کوپراق قان نیاز دیر و بدخشان ولایتی کسلخانه‌سی نینگ قان بانکی ده عاجل کسل‌لر و المشتیریش اوچون قان یوق دیر، سونگی کون‌لرده قیینچیلیک‌لر کوپه‌یگن.» اونگه کوره، وضعیت شونده‌ی دوام ایتگن حالده، عمل جریانیده کسل‌لردن بیرقطاری وفات ایتیش‌لری ممکن.
بیزلرنینگ توییترده هم تعقیب قیلینگ!
عین‌حالده، بدخشان ولایتی کسلخانه‌سی قان بانکی و لابراتوار مسئولی صبغت‌الله محمدی نینگ ایتیشیچه: «حاضر ولایتی کسلخانه نینگ قان بانکی ده ییترلیچه قان یوق. حاضر قان بانکی ده تخمیناً آلتی و سکیز پاینت (خلته) قان بار، ولایتی کسلخانه ده بو مقدار قان ییترلی ایمس.» محمدی نینگ ایشانچی گه کوره، ولایتی بیر کسلخانه ده چمه‌سی ۳۰ خلته قان بولیشی کیره‌ک.
بدخشان ولایتی کسلخانه‌سی مسئوللری، یشاوچیلر اینیقسه ییگیت‌لردن مذکور ولایت نینگ کسلخانه‌سی ده قان ییتیشمسلیک قیینچیلیگی حلی و یشاوچیلر نینگ حیاتینی قوتقریش اوچون، قان بیریش کمپاینینی یولگه قوییش‌لرینی طلب قیله‌دی.
