بدخشان ایکینچیلیک، سووغاریش و چاروهچیلیک ریاستینینگ اعلام قیلیشیچه، «حیات اوچون خلقارا ریشه» موسسهسی همکارلیگی بیلن، اوشبو ولایت شهدا، جرم و بهارک تومنلریده ۲۰۰ ایکینچیگه تعلیمی ۱۹ ته ایسیقخانه قورگن. مذکور ایسیقخانهلر «اوی باغچهلری» لایحهسی دایرهسیده قوریلیب و فایدهلنووچیلرگه سبزهوات اوروغلری ترقهتیلیشیگه علاوه، کیمیاوی کود، ایش اوسکونهلری، نظری و عملی تعلیملر هم کورسهتیلهدی.
بدخشان ایکینچیلیک، سووغاریش و چاروهچیلیک ریاستینینگ زراعتی ایشلری بوییچه آمری احسانالله سراجیگه کوره، همکار نهادلر هماهنگلیگی بیلن اوشبو لایحهنینگ نهفقط مرکز بلکیم بدخشان ولایتینینگ باشقه تومنلریده هم کوچهیتیریش اوچون سعیوحرکت قیلماقدهلر. سراجینینگ ایتیشیچه، مذکور دستوردن مقصد، عایلهلر اقتصادی رواجلنیشی، ایش فرصتلری یرهتیلیشی و اهالینینگ وارداتی محصوللرگه قرهملیگینی کمهیتیریش دیر.
بیزلرنینگ فیسبوک صحیفهمیزگه باش اورینگ!
بدخشان ایکینچیلیک، سووغاریش و چاروهچیلیک ریاستی زراعتی ایشلری بوییچه آمرینینگ کوپهیتیریشیچه: «بدخشان ولایتی بویلب تورلی لایحهلر عملگه آشیریلماقده و بو لایحهلر تعلیمی ۱۹ ته ایسیقخانهدن عبارت دیر. اوشبو لایحهده سبزهواتدن آز فایدهلنهدیگن و تورلیخیل آزیق-آوقتدن محروم بولگن عایلهلرگه، ایکیلیش و سبزهوات ایشلب چیقریلیشینینگ تورلی باسقیچلری و تعلیم بیریلهدی.»
بدخشان تومنلریدهگی یشاوچیلردن قطاری بو ایشدن خورسندلیک بیلدیرگنلر. مذکور ولایت جرم تومنیدهگی یشاوچیلردن شاهولینینگ ایتیشیچه، ایسیقخانه قوریلمهگنیدن آلدین عایلهسینینگ نیازی بولگن سبزهواتنی سنتی و آز شکلده تامینلهر ایکن؛ بیراق حاضر ایسه ایسیقخانه آچیلگنی بیلن نهفقط کوپینچه محصول ایککن، بلکیم اونینگ بیر بولیمینی بازارگه چیقریب و عایلهسیگه درآمد منبعسینی تامینلهگن. «بو جودهیم یشخی بیر اصول دیر. اوشبو ایسیقخانهلردن یخشی حاصلات آلالهمیز. قولگه کیلگن نرسهدن هم اوزیمیز فایدهلنه آلهمیز و همده بیر بولیمینی ساته آلهمیز و نیازلریمیزنی تامین قیله آلهمیز. بو جودهیم یخشی دیر.»
شونینگدیک شهدا تومنی یشاوچیلریدن توابنینگ ایتیشیچه، ایسیقخانه قوریلیشی بیلن عایلهلرنینگ آزیق-آوقت نیازلریدن مهم بولیمی تامینلنهنیب و محصولنینگ اضافه قسمی بازارگه چیقریلگن. اونینگ ایشانچیگه کوره، بو ایش نهفقط اوی خرهجتلری کمهیشیگه یاردم بیرگن، بلکیم درآمد کوپهیشی و یشش وصعیتی یخشیلنیشیگه ینگی بیر فرصت یرهتگن. «مسئول نهادلردن بو پروسهنینگ کوچهیتیریشینی ایستهیمیز. دهقانلر و ایکینچیلرگه کوپراق یاردم بیرسینلر که بو پروسهلر دوام قیلسین.»
«حیات اوچون خلقارا ریشه» موسسه مسئولی میرزامحمد جاهد، اوی باغچهلری یرهتیلیشیدن مقصد، عیاللرنی قوللب-قوتلش دیب و ایتیشیچه: «اوی باغچهلری لایحهسی موسسهمیزنینگ زراعتی لایحهلریدن بیری دیر که گلوبلیز موسسهسینینگ مالی یاردمی بیلن عملگه آشیریلهدی. بو لایحهدن اصلی مقصد، عایلهلر اینیقسه عیاللر سرپرستی بولگن عایلهلر اقتصادی رواجلنیشی دیر. اوی باغچهلری، برقرار زراعت و اریچیلیکنی رواجلنتیریش آرقهلی، آزیق-آوقت خوفسیزلیگی یخشیلنیشی یانیده، درآمد قولگه کیلیتریش امکانیتی و خودکفالیکنی جمعیت بویلب یرهتیش مقصد سعیوحرکت قیلهمیز.»
بیزلرنینگ «ایکس» ترماغی ده هم تعقیب قیلینگ!
باشقه بیر تاماندن، اقتصادی مسئلهلر بیلرمانی سنتالله رحیمینینگ اورغولشیچه، اوی باغچهلری یرهتیلیشی، عایلهلرنینگ یشش وضعیتی یخشیلنیشیده اونملی اورینگه ایگه دیر. رحیمیگه کوره، اویده سبزهوات ایکیش کوندهلیک خرهجتلر کمهیشی و بازارگه قرهملیکنینگ کمهیشیگه سبب بولهدی. «عایلهلر اوزلری نیازلری بولگن سبزهواتنی ایککنلری صورتده، کیرهکسیز خرهجتلر اورتهدن کیتهدی و بو عایلهلر اقتصادیده مهم اورینگه ایگه دیر.»
بوندن آلدین، بدخشان ولایتینینگ اوزاق منطقهلریدهگی نیازمند کیشیلرگه تاووق ترقهتیلگن ایدی و حاضر ایسه مذکور ایسیقخانهلر قوریلگنی بیلن نیازمند عایلهلر خودکفالیگی و ایش زمینهسی یرهتیلیشی توغریسیده ینه بیر آدیم آلینگن.
