آذربایجان باش وزیری علی اسدوف، اسلام امیرلیگی باش وزیرینینگ اداری اورین باسری عبدالغنی برادر بیلن اوچرهشووده، مملکتی افغانستان بیلن سودا، سرمایه یاتقیزیش و اقتصادی همکارلیک قیلیش گه قیزیقیشینی معلوم قیلگن.
اسلام امیرلیگی باش وزیرینینگ اقتصادی اورین باسرلیگی، بوگون (۱۲-سرطان، پنجشنبه) بیر بیانیه ترقهتیب بو حقده خبر بیرگن.
اسلام امیرلیگی باش وزیرینینگ اقتصادی اورین باسرلیگی، آذربایجان باش وزیریدن نقل قیلیب یازیشیچه، بو مملکت ایکو تشکیلاتی همده ایککی و اوچ تامانلمه همکارلیکلر یونهلیشی آرقهلی، تورلی ساحهلرده افغانستان بیلن مناسبتینی کېنگهیتیریش گه قیزیقیشینی بیلدیرگن.
بیزلرنینگ فیسبوک صحیفهمیزگه باش اورینگ!
شونینگدیک، علی اسدوف مملکتی افغانستان بیلن قۉشمه سودا، سرمایه یاتقیزیش و اقتصادی همکارلیکلرنی کېنگهیتیریش گه طرفدارلیگینی اېتگن.
اسلام امیرلیگی باش وزیرینینگ اقتصادی اورین باسری عبدالغنی برادر، «ایکو» باشلیغلری اقتصادی همکارلیک تشکیلاتی ۱۷- ییغیلیشیده اشتراک اېتیش اوچون بیر هیئت باشچیلیگیده ۱۰-سرطان، سهشنبه کونی آذربایجان جونب کېتگن اېدی.
ایکو باشلیغلری ۱۷- دور ییغیلیشی، تشکیلات گه اعضا مملکتلرنینگ ییریک رسمیلری حضوری بیلن میلادی ۲۰۲۵-ییل، ۳ و ۴- جولای آیی کونلری، آذربایجان میزبانلیگی بیلن اۉتکزیلیشی اېتیلگن.
بیزلرنینگ «ایکس» ترماغی ده هم تعقیب قیلینگ!
ایکو، منطقهوی بیر تشکیلات بولیب، ایران، تورکیه و پاکستان تامانیدن میلادی ۱۹۸۵ییلده، اعضا مملکتلر اورتهسیده اقتصادی و فرهنگی همکارلیکلرنی مستحکملش مقصدیده شکللندی.
افغانستان، آذربایجان، اۉزبېکستان، تورکمنستان، قزاقستان، قیرغزستان، تاجیکستان، میلادی ۱۹۹۲-ییلده اوشبو تشکیلات اعضاسی صفتیده قبول قیلیندی.
ایکو ییغیلیشی اوتگن ییلی ایراننینگ مشهد شهریده اۉتکزیلگن اېدی.
