عیال مدافعه وکیل‌لریدن بیرقطاری نینگ ایتیشلریچه، اوتگن بیر یریم ییل ده ایش اجازه‌سی بیریلمسلیگی باعث، اقتصادی قیینچیلیک و روحی کسل‌لیککه چلینگنلر.
مدافعه وکیل زهره عزیزی نینگ سلام‌وطندار گه ایتیشیچه: «تأسف بیلن اسلام امیرلیگی حاکمیتی و چیکلاولر یره‌تیلیشی بیلن، تیریکچیلیک احوالیمیز آغیرلب، اقتصادی قیینچیلیک و روحی کسل‌لیککه چلینگنلردن بیری من.»
بیزلرنینگ فیسبوک صحیفه‌میزگه باش اورینگ!
اسلام امیرلیگی حاکمیتیدن کیین ایش‌سیز بولگن مدافعه وکیل‌لردن باشقه بیری زاهده کوهستانی، اقتصادی قیینچیلیک دن نالیب ایتیشیچه، عایله اعضالری نینگ خرجتینی تأمینلش اوچون اوی اوسکونه‌لرینی ساتیش گه مجبور بولگن.
اونگه کوره: «بار امکانیتیمیزنی ساتیب حیات کیچیرماقده میز، اوزیم و ایریم بیکار دیر، باشقه درآمدیمیز یوق، ایش قیدیره‌میز ایش یوق، اوی اوسکونه‌لرینی ساتیب حیات کیچیرماقده‌میز.»
عین‌حالده، حقوق‌دانلر اتفاقی نینگ سابق اورین باسری سبحان مصباح نینگ ایشانچی گه کوره، عدالت تأمین ایتیلیشی مقصدیده عیاللر گه عاید قضیه‌لر عیال مدافعه وکیل‌لری تامانیدن آلغه آلیب باریلیشی جوده هم مهم دیر.
سبحان مصباح نینگ کوپه‌یتیریشیچه: «مدافعه وکیل، قانون حاکمیتیده عدالت تأمین ایتیلیشی و اساسی حقوق دن فایده‌لنیش اوچون، اساسی رول‌نی اوینه‌یدی.»
بیزلرنینگ توییترده هم تعقیب قیلینگ!
عدلیه وزیرلیگی سوزلاوچیسی عبدالحمید جهادیار نینگ ایتیشیچه، عیال وکیل‌لری نینگ فعالیت جوازی تمدید ایتیلمسلیک یگانه سببی، بودجه‌سیزلیک و عیاللرنینگ ایشله‌شی اوچون مناسب مکان یوق‌لیگی دیر.
او نینگ سلام‌وطندار گه ایتیشیچه: «بودجه یوق. بودجه بولسه تمدید بوله‌دی، بو موضوع اسلام امیرلیگی رهبریتی نینگ قراری گه باغلیق دیر.»
جمهوریت توزومی قوله‌شیدن کیین، افغانستان نینگ سابق حکومتدارلیک تیزیمی اورته‌دن کیتیب و مدافعه وکیل‌لر شامل عیاللر، افغانستان نینگ حقوقی تیزیمیدن حذف بولگنلر.
ایتیش کیره‌ک که، مدافعه وکیل‌لر انجمنی معلوماتی اساسیده، بیرمینگ ۵۰۰ عیال وکیل جمهوریت قوله‌شیدن آلدین اوشبو انجمن دن فعالیت جوازینی آلگن ایدی.
