افغانستان فوتبال فدراسیونی بوگون (۲۳-اسد، سهشنبه) فیسبوک صحیفهسیده بیر بیانیه ترقهتیب، افغانستان ۱۷ یاشنی تولدیرمهگن فوتبال ملی تیرمه جماعهسی، آسیا مرکزی ۱۷ یاشنی تولدیرمهگن قهرمان (کافا) مسابقهلری گه قتنهشیش مقصدیده، کابل نی تاجیکستان مقصدی گه ترک اېتگنینی معلوم قیلگن.
اسرائیل نینگ هجوملری عاقبتیده ۲۰۲۳-ییل سکیز اکتوبر دن حاضرگه قدر، حزبالله لبنان نینگ ۴۰۷ اعضاسی هلاک بولگن. حزبالله لبنان حرکتی تلگرامی ده بیر بیانیه ترقهتیب، ۲۰۲۳ییل سکیز اکتوبر دن حاضرگه قدر اوشبو حرکت نینگ ۴۰۷ اعضاسی، اسرائیل اردوسی نینگ هوا و راکته هجوملریده هلاک بولگنینی معلوم قیلگن.
افغانستان نینگ ۲۰ سیک یشاوچیسی گه هندوستان فقرالیگی بیریلگن. هندو کوندهلیگی ۲۲-اسد، دوشنبه کونی ترقهتگن گزارشیده، افغانستانلیک اوشبو سیکلر قریب یوز کون آلدین آنلاین ویزه درخواستینی بیرگن اېکنلر. معلوماتلر اساسیده، بو کیشیلر گه هندوستان نینگ قانونی اساسیده کیملیک بیریلگن.
اوشبو مسابقهلرده امریکا قۉشمه ایالتلری نینگ عیاللر بسکتبال ملی تیرمه جماعهسی ۲۱-اسد، یکشنبه کونی ۲۰۲۴-ییل پاریس المپیک رقابتلری نینگ فاینل باسقیچیده فرانسه گه غلبه قازانیب اوشبو اویینلر نینگ غالبی اعلام بولدی.
ایران جمهور باشلیغی مسعود پزشکیان، فرانسه جمهور باشلیغی امانوئل مکرون بیلن تلفونی علاقه ده، ایران باسیملر گه قرشی هېچ قچان جیم تورمسلیگی حقیده آگاهلنتیرگن. ایران یېتکرمهلری، ۱۷-اسد، چهارشنبه کونی اوشبو مملکت جمهور باشلیغی نینگ فرانسه دولت رهبری بیلن تلفونی گپیرگنیدن خبر بیرگنلر.
احصائیه و معلومات ادارهسی رسمیلری، بوگون (۱۷-اسد، چهارشنبه) امارت ادارهلری نینگ بیر ییللیک یوتوقلرینی پایلهشیش برنامه ده، سۉنگی بیر ییلده اوچ میلیون ۲۶۸ مینگ ۶۰۰ الکترونیکی کیملیک توزیع قیلگنلرینی اېتگنلر. اولر گه کوره، الکترونیکی کیملیک توزیع قیلیش جریانی اۉتگن ییل گه نسبتن ۲۳ فایز آشگن.
میدانوردک ولایتیده امریکالیک بیر سیاح، اسلام مقدس دینینی قبول قیلیب و مسلمان بولگن. باختر دولت آژانسی بوگون (۱۵-اسد، دوشنبه) ترقهتگن خبریده، امریکالیک اندریس اسملی سیاح میدانوردک ولایتیده بامیان گه سفر قیلیش پیتیده اسلام مقدس دینینی قبول قیلیب و مسلمان بولگنیدن خبر بیرگن.
۱۴-اسد، یکشنبه کونی بولیب اۉتگن اوشبو مسابقه ده بایسکلچیلر ۱۵۸ کیلومتر نی کېزیشگن. مذکور مسابقه ده اشتراک اېتگن ۹۳ بایسکلچی ارا فاریابلیک فریبا هاشمی ۷۵ بولیب و سینگیلیسی یولدوز هاشمی و باشقه ۱۴ سپورتچی سۉنگی چیزیغ دن اوته آلمهگن.
اوشبو وزیرلیک بوگون (۱۱-اسد، پنجشنبه) حکومت نینگ یېتکرمهلر مرکزی ده «دولت نینگ ملت گه حساب بیریش» دستوری ده، اولکه بویلب موسسهلر تامانیدن تورلی ساحهلرده ایکّی مینگ ۱۹۴ لایحه عملگه آشیریلیب و ۲۰۰ مینگ دن آرتیق کیشی ایش بیلن تأمینلنگنینی بیلدیرگن.
اسرائیل اردوسی نینگ غزه شهری شمالی حدودلریده اۉیوشتیرگن هوا هجوملری عاقبتیده الجزیره نینگ ایکّی خبرچیسی هلاک بولگن. الجزیره ۱۰-اسد، چهارشنبه کونی ترقهتگن گزارشیده، بو خبرچیلری نینگ موتری حماس سیاسی رهبری اسماعیل هنیه نینگ اوی یقینیده، اسرائیل هوا کوچلری تامانیدن نشانگه آلینگنینی معلوم قیلگن.
ایران ایرنا آژانسی بوگون (۱۰-اسد، چهارشنبه) ایران اسلامی جمهوریتی تامانیدن ترقهلگن بیانیه دن نقل قیلیب یازیشیچه، حماس نینگ سیاسی رهبری اسماعیل هنیه ترور اېتیلیشی اوچون ایران دولتی اوشبو هفته چهارشنبه، پنجشنبه و جمعه (۱۰، ۱۱ و ۱۲-سرطان) کونلرینی عمومی ماتم اعلام قیلگن.
ایران نینگ مذهبی رهبری آیتالله علی خامنهای، حماس نینگ سیاسی اداره باشلیغی اسماعیل هنیه ترور ایتیلیش قصاصی آلینیشنی اۉز وظیفهسی بیلهدی. ایران نینگ مذهبی رهبری آیتالله علی خامنهای، حماس نینگ سیاسی اداره باشلیغی اسماعیل هنیه، بوگون (۱۰-اسد، چهارشنبه) بامداد پیتی اوشبو مملکت پایتختی تهران ده ترور اېتیلیشی گه مناسبت بیلدیرگن.
معارف وزیرلیگی، اسلامی تعلیمات و معلم تربیهلش شهادتنامهلری الکترونیکی قیلینیشیدن خبر بیرگن. اسلام امیرلیگی معارف وزیرلیگی ۹-اسد، سهشنبه کونی ایکس صحیفهسیده بیر بیانیه ترقهتیب، مملکت بویلب اسلامی تعلیمات و معلم تربیهلش اوقووچیلر نینگ نتیجه و شهادتنامهلری الکترونیکی بولیشینی معلوم قیلگن.
۲۰۲۴-ییل المپیک یاز رقابتلری نینگ بایسکل هیدهش مسابقهسیده، فاریابلیک بایسکلچی «یولدوز هاشمی» آسیا بویلب ایکّینچی اوریننی اېگللهگن. فرانسه پایتختی پاریس شهریده بولیب اۉتهیاتگن المپیک یاز رقابتلری نینگ بایسکل هیدهش مسابقهسیده، فاریابلیک بایسکلچی یولدوز هاشمی ۲۶- اوریننی اېگللب و آسیا مقیاسیده ایکّینچی بولگن.
اسلام امیرلیگی تورکمنستانده افغانستان ایلچیخانهسی اوچون شارژدافیر اولهراق فضلمحمد صابر نی تانیشتیرگن. اسلام امیرلیگی تشقی ایشلر وزیرلیگی نینگ سۉزلاوچیسی عبدالقهار بلخی ۵-اسد، جمعه ایکس صحیفهسیده، فضلمحمد صابر، تورکمنستانده افغانستان ایلچیخانهسی اوچون شارژدافیر اولهراق تانیشتیریلگنینی یازگن.
کانلر و پترولیم وزیرلیگی، فاریاب ولایتیده اوچ توز کان نینگ قازیب چیقریش شرطنامهسینی قریب ۲۵ میلیون امریکالیک دالر گه تېنگ خصوصی بیر شرکت بیلن امضالهگن. کانلر و پترولیم وزیرلیگی بوگون (۵-اسد، جمعه) ایکس صحیفهسیده بیر بیانیه ترقهتیب، فاریاب ولایتیده اوچ توز کان نینگ قازیب چیقریش شرطنامهسینی «ابوسعید» شرکتی بیلن امضالهگنیدن خبر بیرگن.
