اسلام امیرلیگی باش وزیری نینگ اداری اورین بارسری عبدالسلام حنفی، فاریاب ولایتی دین عالملریدن بیرقطاری بیلن اوچرهشووده، بو ولایت محلی مسئوللریدن مکتب، مدرسه، ساغلیق مرکزلر و سوو توغانلری قوریلیشی اوچون دقت قیلیشلرینی سورهگن. ارگ، ۲۶-سنبله، دوشنبه کونی ایکس صحیفهسیده بیر بیانیه ترقهتیب، عبدالسلام حنفی فاریاب ولایتی دین عالملریدن بیرقطاری بیلن اوچرهشگنیدن خبر بیرگن.
خلقارا فوتسال کپی باشقه اویینلریده، نیوزیلند ۳-۱ حسابی بیلن لیبیا گه بای بیردی، اسپانیا و قزاقستان فوتسال تیرمه جماعهلری ۱-۱ حسابی بیلن مساوی و افغانستان کېلهسی مسابقه رقیبی ارجنتاین ۷-۱ حسابی بیلن اوکراین گه غلبه قازاندی. اوشبو مسابقهلر نینگ اوچینچی گروهیده ارجنتاین افغانستان بیلن بیر گروه ده دیر و ۲۸-سنبله، چهارشنبه کونی کابل وقتی بیلن ساعت ۷:۳۰ ده افغانستان فوتسال ملی تیرمه جماعهسی بیلن بیللهشووی کوتیلهدی.
افغانستان فوتسال ملی تیرمه جماعهسی، ۲۰۲۴-ییل خلقارا فوتسال کپی اویینلریده بوگون (۲۵-سنبله، یکشنبه) آنگولا بیلن بیللهشهدی.
سرپرست حکومت معلومات و مدنیت وزیرلیگی ۲۳-سنبله، جمعه کونی ایکس صحیفهسیده بیر بیانیه ترقهتیب، بو وزیرلیک سرپرستی خیرالله خیرخواه، روسیه نینگ سنتپترزبورگ شهریده «فرهنگلر اتحادی» ییغیلیشی یانیده، قۉشنی اۉزبېکستان مدنیت وزیری آزاد بیک نظر بیکاوف بیلن اوچرهشیب، ایکّی مملکت نینگ مذهبی، تاریخی و فرهنگی مناسبتی حقیده بحث اېتگنینی یازگن.
۲۰۲۴-ییل خلقارا فوتسال کپی ۱۰-دور مسابقهلری بوگون (۲۴-سنبله، شنبه) اۉزبېکستانده تورت مسابقه اۉتکزیلیشی بیلن باشلنهدی. اۉرته آسیا ده اۉزبېکستان میزبانلیگی بیلن اۉتکزیلیشی ریجهلشتیریلگن اوشبو مسابقهلرده دنیا بویلب ۲۴ جماعه یول تاپگن. بو مسابقهلرده فوتسال جماعهلری، تورت جماعهلیک آلتی گروه ده بیر-بیری بیلن بیللهشهدیلر.
تورک دولتلری تشکیلاتی تامانیدن تشکیل اېتیلگن تورک دنیاسی اکادمیه کمیتهسی، ۳۴ حرف دن عبارت مشترک تورک الفباسینی قبول قیلگن. تورکیه «تیآرتی» یېتکرمهسی ۲۱-سنبله، چهارشنبه کونی ترقهتگن گزارشیده، تورک دنیاسی عالملری ۳۴ حرف دن عبارت مشترک تورک الفباسینی قبول قیلگنلرینی معلوم قیلگن. تورک دنیاسی عالملری تامانیدن ینگیلیکده قبول قیلینگن بو الفبا، تورک خلقلری اۉرتهسیده اۉز ارا توشونیش و همکارلیکّه یاردم بیریشی اېتیلگن.
روسیه نینگ خودمختار جمهوریتلریدن چیچنستان جمهور باشلیغی رمضان قدیروف تورکیه گه تشریف بویرگن. قدیروف جنابلری ۱۹-سنبله، دوشنبه کونی شام پیتی تلگرام کانالی ده، تورکیه گه سفر قیلگنیدن خبر بیرگن. چیچنستان جمهور باشلیغی، اوشبو سفری دایرهسیده، «عثمان تشکیلاتی» تلویزیونی ایشلرینی یقیندن باریب کوزهتگنینی معلوم قیلگن.
نایجریا مرکزی ده یولاوچیلر و حیوانات بولگن «لاری» نینگ تیل تانکری بیلن توقنشووی عاقبتیده چمهسی ۵۰ کیشی هلاک بولگن. یېتکرمهلر نینگ معلوماتی اساسیده، بو واقعه ۱۸-سنبله، یکشنبه کونی یولاوچیلر و حیوانات بولگن لاری نینگ تیل تانکری بیلن توقنشووی عاقبتیده یوز بیرگن.
فاریابلیک ۲۱ یاشر فریبا هاشمی، ۲۰۲۴-ییل فرانسه «دی آردچ» بایسکل هیدهش بیشینچی باسقیچیده بیرینچی اوریننی ایگللهگن. فریبا هاشمی بو غلبه بیلن، افغانستان نینگ عیال بایسکلچیسی اولهراق خلقارا مسابقهلردن بیریده قهرمان بولگن بیرینچی عیال گه ایلنگن.
افغانستان فوتسال ملی تیرمه جماعهسی، ۲۰۲۴-ییل خلقارا فوتسال کپی اویینلری گه اشتراک اېتیش اوچون اۉزبېکستان گه یېتیب بارگن. افغانستان فوتسال فدراسیونی ۱۷-سنبله، شنبه کونی فیسبوک صحیفهسیده بیر خبر ترقهتیب، مملکت فوتسال ملی تیرمه جماعهسی ۲۰۲۴-ییل خلقارا کپی اویینلری گه اشتراک اېتیش اوچون اۉزبېکستان پایتختی تاشکینت شهری گه یېتیب بارگنیدن خبر بیرگن.
اسلام امیرلیگی تشقی ایشلر وزیرلیگی سۉزلاوچیسی نینگ اورین باسری ضیااحمد تکل، ۱۷-سنبله، شنبه کونی ایکس صحیفهسیده بیر بیانیه ترقهتیب، افغانستان اسلام امیرلیگی ادارهلری نینگ یېریک رسمیلریدن بیرقطاری، افغانستان و تورکمنستان اۉرتهسیده تاپی لایحهسی، فایبر نوری، تاپ و تیمیر یول لایحهلری ایشی باشلنیشی مقصدیده، تیارگرلیک بیرینچی ییغیلیش اۉتکزگنلریدن خبر بیرگن.
افغانستانلیک آزاد مبارزهلر سپورتچیسی واحدالله نژند، چکلیک رقیبی مکس هنداناگیچ گه غلبه قازانگن. ۱۷-سنبله، شنبه دن یکشنبه گه اوتر کیچه جرمنی میزبانلیگی بیلن بولیب اۉتگن اوشبو بیللهشووده، افغانستانلیک آزاد مبارزهلر سپورتچیسی واحدالله نژند، چکلیک رقیبینی بیرینچی روند نینگ دستلبکی دقیقهلری گه مغلوب قیلدی. نژند اوشبو بیللهشوو ده غلبه قازانیشی بیلن، بو رقابتلرده توقیزینچی غلبه گه اېریشدی.
پرتگاللیک فوتبال یولدوزی کریستیانو رونالدو، حرفهای دورهسیده ۹۰۰ گل اوریب و تاریخ سازلیک قیلگن. رئال مادرید نینگ سابق یولدوزی و سعودی عربستان النصر کلوبی نینگ اویینچیسی کریستیانو رونالدو، ۱۵-سنبله، پنجشنبه دن جمعه گه اوتر کیچه، اروپا ملتلر لیگیده کرواسیا برابریده ۹۰۰-گلینی اوریب و تاریخسازلیک قیلدی.
پرتگاللیک فوتبال یولدوزی کریستیانو رونالدو و ارجنتاینلیک فوتبال یولدوزی لیونل مسی، میلادی ۲۰۰۳ ییلدن ۲۰۲۳-ییل گه قدر فوتبال بوییچه اوشبو بویوک ساورین نی آلیش گه قازانگن بولمسهلرده هم، بو ساورین گه نامزد بولیب کېلگنلر. ارجنتاینلیک لیونل مسی توپلم طرزده سکیز مراتبه و پرتگاللیک کریستیانو رونالدو بیش مراتبه آلتین توپ نی آلیش گه قازانگنلر.
افغانستان فوتسال ملی تیرمه جماعهسی، کانتیننتال کپی اوچینچی اویینیده نیوزیلند گه غلبه قازاندی. افغانستان فوتبال فدراسیونی بوگون (۱۴-سنبله، چهارشنبه) فیسبوک صحیفهسیده بیر خبر ترقهتیب مملکت فوتسال ملی تیرمه جماعهسی کانتیننتال کپی مسابقهلریده، نیوزیلند تیرمه جماعهسینی ۵-۱ حسابی بیلن مغلوب قیلگنینی یازگن. اوشبو مسابقه بوگون توشدن سۉنگ افغانستان وقتی بیلن ساعت ۲:۰۰ ده تایلند میزبانلیگی بیلن بولیب اۉتگن.
سرپل ولایتی سانچارک تومنی نینگ «تبر» قیشلاغیده «تورکستان» آتیده بیر فوتسال میدانی آچیلگن. اوشبو فوتسال میدان مسئولی محبوبالحق نوری گه کوره، بو میدان نی ایکّی ییل اول توزهتگن لېکن سپورتچیلر نینگ اېستهگی و باشقه ییگیتلر نینگ سپورت گه رغبتلنتیریش مقصدیده اونی قیته دن زمانهوی شکلده و طلبلر گه ماس توزهتگن.
