آسترالیا باشوزیری آنتونی آلبانیزینینگ اعلام قیلیشیچه، مملکتی ایران ایلچیسینی کانبرا دن چیقریب و سپاه پاسداراننی «ترورچیلیک» تشکیلاتلری رویخطیگه قوییشی ممکن.
آلبانیزی، بوگون (۴-سنبله، سهشنبه)، ایراننی آسترالیا ده «یهودلرگه ضد» کمیده ایکی هجومنینگ باشقرگنلیکده عیبلب و ایتیشیچه، مذکور اقداملر مملکتیده اجتماعی بیردملیککه تهدید حسابلنهدی. «بو هجوملر جمعیتیمیزده نفاقنی یرهتیش و اجتماعی بیردملیکنی ضعیفلشتیریش اوچون حرکت ایدی. بو قبول قیلنمس بیر نرسه دیر و آسترالیا حکومتی جدی اقداملرگه قول اورهدی.»
آسترالیا باشوزیرینینگ کوپهیتیریشیچه، ایران ایلچیسیگه چیقریلیشی توغریسیده خبر بیریلگن. اونگه کوره، آسترالیا شونینگدیک تهران ده اوز ایلچیخانهسینینگ فعالیتینی توختهتیب و دیپلماتلرینینی اوچینچی مملکت گه انتقال بیرگن.
آسترالیا باشوزیرینینگ اورغولشیچه، دولتی ایران سپاه پاسداراننینگ ترورچیلیک تشکیلاتلری رویخطیگه کیریتیش اوچون بیر قانون وضع قیلیشی ممکن.
