بوگون “سه‌شنبه” باش قاره‌لاوچیلیک ادارهسی سوزلاوچیسی جمشید رسولی نینگ کابلده خبری بیر ییغین اوتکزیب ایتیشیچه، ۱۴۰۰- مالی ییل نینگ بیرینچی ربع ده اداری فساد گه عیبلنگن ۱۳۵۳ دوسیه تیکشیریلگن. اونینگ ایتیشیچه، بو جملهدن ۱۲۷۶ دوسیه عادی و باشقه ۷۷ دوسیه ایسه اداری فسادگه عیبلنگن آغیر دوسیه‌لر جمله‌سیدن دیر.
باش قاره‌لاوچیلیک ادارهسی سوزلاوچیسی نینگ کوپه‌یتیریشیچه، اداری فسادگه عیب‌لنیب قید ایتیلگن دوسیه‌لر جمله‌سیدن ۸۷۹ ته‌سی تینچ اهالی و باشقه ۳۹۷ ته‌سی حربی کیشی‌لر دیر. اونینگ ایتیشیچه، مذکور کیشی‌لر رشوه آلیش، صلاحیت دن ناتوغری فایده‌لنیش، اختلاس، سرقت، حجت‌لرنی جعل قیلیش، عدالت‌نی عملگه آشیریلیشی‌گه توسیق بولیش، حقیقت‌لرنی یاشیریش و باشقه بیرقطار موردلرگه عیب‌لنگنلر.
