هندوستان پایتختی دهلیده اطراف-محیط وضعیتی ېنه یامانلشیب و هوا افلاسلنیشی «ساغلیق اوچون خوفلی» درجه گه یېتگن.
یېتکرمهلرنینگ معلوماتی گه کوره، بو شهرده اهالینینگ نفس آلیشی آغیرلشگن، کوپگینه بالهلر و کېکسهلر نفس یوللری بیلن باغلیق کسللیکلردن شکایت قیلماقده.
هوا تومن و چنگ بیلن تولیب، شهر کوچهلریده کوریش مصافهسی کېسکین پسهیگن اینیقسه «دیوالی» بیرهمیده عامهوی طرزده بعضی نرسهلر یاقیلیشی افلاسلنیش درجهسینی ېنهده آشیرگنی اېتیلگن.
دهلی رسمیلری، وضعیتنی یومشهتیش اوچون ینگی تکنالوژی – صنعی یامغیر یاغدیریش اصولینی ایشگه توشیریش ریجهسی حقیده معلوم قیلگنلر. اولر گه کوره، بولوتلرنی توزهتیش ایشلری یکونیگه یېتگن و سیناو پروازلری هم عملگه آشیریلگن.
معلوماتلر گه کوره، ایلک تجربه پروازی «ککره و بورهری» حدودلری آرهسیده بولیب اوتگن و تورت ساعت دوام اېتگن. بو جریانده اوچاقلر یاردمیده بولوتلر گه کومیش یدید همده کلورید سودیم سیپیلگن. بو مادهلر سوو تامچیلری قطرهلرینی کوچهیتیریب، ییریک تامچیلرنی تشکیل بیریب و یاغینگرچیلیکنی چیقرهدی.
صنعی یامغیر تکنالوژیسی دنیاده ایلک بار امریکاده ۱۹۴۶-ییلده سینب کوریلگن. کېینچهلیک آسترالیا، چین و بیرلشگن عرب امیرلیگیده کېنگ قوللنیب، هوا تازهلش و قوروقلیککه قرشی کورهشده ثمرهلی اصول صفتیده تن آلینگن.
دهلی حکومتی اېسه بو تکنالوژی آرقهلی نهفقط هوانی تازهلش، بلکه اهالینینگ ساغلیغینی محافظه قیلیش، اطراف-محیطنی یخشیلش همده ایکولوژیکی موازنتنی تیکلشنی مقصد قیلگن.
