مصنوعی هوش، تورلی خیل اوقیش امکانیت‌لرینی یره‌تیش بیلن، یاشلرنینگ اوقیش منبعلری گه قول تاپیش‌نی قولی‌لشتیرگن تکنالوژی اوسکونه دیر. سلام‌وطندار اوشبو گزارش‌ده چیت‌ایل تیللرینی اورگه‌نیش و مهارت‌لرینی آشیریش ساحه‌سیده مصنوعی هوش‌دن فایده‌لنووچی ۱۰ ییگیت و ۱۱ قیز شامل ۲۱ یاش بیلن صحبت قیلگن.
بو یاشلر گه کوره، مصنوعی هوش اولر گه اوقیش منبعلریدن فایده‌لنیش امکانیتینی آسان قیلگن.
لغمان یشاوچیسی ۲۴ یاشر حسینه، مصنوعی هوش‌دن انگلیسچه تیل اورگه‌نیش اوچون قوللنه‌دی ایتیشیچه، بو اوسکونه حضوری اوقیش اورنیده یخشی امکانیت دیر. اونینگ کوپه‌یتیریشیچه: «ینگی نرسه‌لرنی اورگندیم مثال اوچون انگلیسچه تیل‌نی یخشی اورگندیم؛ چونکه مصنوعی هوش گپله‌شیش گه یاردم بیردی؛ کوپینچه امکانیت‌لرنی یره‌تگن.»
کابل‌لیک شبنم گه کوره، تیل اورگه‌نیش و معلومات‌لردن خبر بولیش اوچون مصنوعی هوش‌دن قوللنه‌دی و بو تکنالوزی اونینگ اورگه‌نیش جریانینی اۉزگرتیرگن. «مصنوعی هوش اوقیش ساحه‌سیده یخشی اوسکونه گه ایلنگن؛ منبعلردن فایدهلنیشنی آسان قیلیب و اورگه‌نیش جریانینی تیز و راحت قیلگن.»
بیزلرنینگ فیسبوک صحیفه‌میزگه باش اورینگ!
پروان‌لیک عزیزه‌نینگ ایتیشیچه: «مصنوعی هوش مین گه انگلیسچه تیل‌نی اورگه‌نیش گه یاردم بیرگن؛ بونگه قۉشیمچه راحت‌لیک و نیچه ثانیه ایچیده احتیاجیم بولگن معلومات‌نی تاپیشیم ممکن.»
بو گزارش‌ده صحبت قیلگن یاشلردن باشقه بیرقطاری، مصنوعی هوش فوتوگراف، لوگوسازلیک و یازووچیلیک مهارت‌لرینی اورگه‌نیش‌لری گه سبب بولگنینی اېته‌دیلر.
کاپیسالیک حسینه گه کوره، لوگو توزیش گه تخصصی‌سی بولمسه‌ده؛ لېکن حاضر مصنوعی هوش‌دن فایده‌لنیب تورلی لوگولرنی طراحی‌لیک قیله آله‌دی. اونینگ کوپه‌یتیریشیچه: «کانوا و مصنوعی هوش‌دن اورگنگن طراحی‌لیک‌لر بیلن، تورلی لوگولرنی توزه‌ته آله‌من؛ کسلخانه‌لر، سیاحتچیلیک شرکتلر و هکذالر اوچون لوگو و پوستر طراحی‌لیک قیله آله‌من.»
۲۵ یاشر عنایت، مصنوعی هوش‌دن فایده‌لنیب صورت و ویدیو توزیش و ایدیت قیلیشنی اورگنگنینی معلوم قیله‌دی. اونینگ ایتیشیچه: «ویدیولرنی ایدیت قیلیش و فوتوگراف‌نی مصنوعی هوش‌دن اورگندیم؛ قولی‌لیک بیلن اورگه‌تیش ویدیولردن فایده‌لنه آله‌من؛ اوقیشیم گه تېنگ هر قنده‌ی معلومات نی تاپیشیم ممکن.»
بیزلرنینگ «ایکس» ترماغی ده هم تعقیب قیلینگ!
۲۱ یاشر شمله، یازووچیلیکّه قیزیقه‌دی ایتیشیچه، مصنوعی هوش یاردمی بیلن اوزون مطلب‌لرنی یازیش مهارت‌لرینی اورگنگن. «بو تکنالوژی چیت‌ایل تیلی گه قۉشیمچه، یازووچیلیک مهارت‌لریمنی آشیریب و تورلی ساحه‌لرده کوپراق معلومات‌لردن فایده‌لنیشیم گه سبب بولدی؛ مصنوعی هوش اوقیش ساحه‌سیده کوپ فایده‌لی بولگن.»
برچه‌سی بیلن، تکنالوژی ساحه‌سیده ایش بیلرمانلر، مهارت‌لرنی آشیریش‌ده مصنوعی هوش‌دن فایدهلنیشنی مهم دیب ایتیشلریچه، بو تکنالوژی اوقیش ساحه‌سیده تورلی قولی‌لیک‌لرنی یره‌ته‌دی.
تکنالوژی ایش بیلرمان محمدموسا محمدی گه کوره: «مصنوعی هوش کیشیلرنینگ اورگه‌نیشی گه مثبت تأثیر قیله‌دی؛ بو تکنالوژی آدملرنینگ احتیاجی گه تېنگ اوقیش موضوع‌لرنی بیره‌دی؛ آدملرنینگ اوقیش قوربی گه قره‌ب موضوع بیره‌دی.»
مخابرات و تکنالوژی معلوماتی وزیرلیگی سۉزلاوچیسی عنایت‌الله الکوزی گه کوره، بو وزیرلیک مصنوعی هوش کبی ینگی تکنالوزی‌دن فایده‌لنیش حقیده آگاهی‌لیک بیریش دستورلرنی اوتکزماقده. اونینگ کوپه‌یتیریشیچه: «ظرفیت‌سازلیک و تکنالوژی ترقیاتی حقیده آگاهی‌لیک بیریش اوچون مملکت مقیاسیده بو وزیرلیک‌نینگ ریاست‌لریده تعلیمی مرکزلر آچیلگن، طلبه‌لر و مصنوعی هوش گه قیزیقه‌دیگنلر گه تکنالوژی ترقیاتی حقیده آگاهی‌لیک بیره‌دیلر.»
۲۱-عصرده ینگی تکنالوژی اینیقسه مصنوعی هوش‌دن فایده‌لنیش عین‌حالده رواجلنماقده، افغانستان‌ده بو ساحه‌ده سرمایه یاتقیزیلمسلیک و اوقیش چېکلاولری باعث، سیزیلرلی درجه‌ده یوکسلمه‌گن.
