امریکا تشقی ایشلر وزیری آنتونی بلینکن، سوریه کیله‌جگی خصوصیده صحبت قیلیش مقصد، کوتیلمه‌گن بیرحالده عراققه بارگن.
رویترز آژانسی‌نینگ گزارش بیریشیچه، بلینکن اوتگن کون عراققه باریب و سوریه‌ده ینگی حکومت شکل‌لنیشی خصوصیده بو مملکت باش‌وزیری محمد‌شیاع السودانی بیلن اوچره‌شیشی ممکن.
بیزلرنینگ «ایکس» ترماغی ده هم تعقیب قیلینگ!
شونینگدیک امریکا تشقی ایشلر وزیرلیگی‌نینگ اعلام قیلیشیچه، بلینکن عراققه قیلگن سفری‌ده امریکا‌نینگ عراق بیلن ستراتژیک همکارلیککه صادق‌لیگی، بو مملکت‌نینگ برقرارلیگی و خوفسیزلیگی‌‌گه تاکید قیلیشی ممکن.
اوشبو وزیرلیک بیربیانیه‌ده ایتیشیچه: «تشقی ایشلر وزیری، منطقه‌ده‌گی خوفسیزلیک قیینچیلیک‌لری و امکانیت‌لری و امریکا قوشمه ایالتلری همه‌شمول بیر انتقال خصوصیده ایشانچ تاپیش اوچون سوریه بوتون اهالیسی بیلن دایمی همکارلیک قیلیش حقیده صحبت قیلیشی ممکن.»
بیزلرنینگ فیسبوک صحیفه‌میزگه باش اورینگ!
امریکا تشقی ایشلر وزیری آنتونی بلینکن، اوتگن هفته پنج‌شنبه کونی تورکیه گه قیلگن سفری‌ده هم، بو مملکت رسمی‌لری بیلن سوریه‌ده همه‌شمول حکومت شکل‌لنیشی خصوصیده صحبت قیلگن ایدی.