جوزجان ولایتی آقچه تومنی عالملر کینگشی، اوشبو تومنده، توی مهری و خرجت‌لرینی ۴۰۰ مینگ افغانی تعینله‌گنلر. جوزجان آقچه تومنی عالملر کینگشی گه کوره، یاشلر خارجی مملکت‌لر نینگ چیگره‌لریده قربان بولمسلیگی و اولر نینگ ناقانونی مهاجرت‌لری گه توسیق بولیش اوچون اوشبو قرارنی آلگنلر.
اولر، افغانستان بوتون اهالیسی اینیقسه آقچه تومنی یشاوچیلریدن، عالملر کینگشی تامانیدن آلینگن قرار گه حرمت قیلیش‌لرینی طلب قیله‌دیلر.
جوزجان آقچه تومنی عالملر کینگشی اعضاسی سیدصلاح‌الدین نینگ ایتیشیچه، یاشلر نینگ خارجی اولکه‌لر چیگره‌سیده قربان بولمسلیگی و ناقانونی مهاجرت گه توسیق بولیش اوچون اوشبو قرارنی آلیشگن.
جوزجان ولایتی آقچه تومنی ییگیت‌لریدن بیرقطاری نینگ ایتیشلریچه، بوندن آلدین اوشبو تومن ده توی مهری و خرجت‌لری ۵۰۰ مینگ دن آلیب ایکی میلیون افغانی گچه ایدی و ییگیت‌لر اوشبو مقدار پول نی تأمینلش اوچون خارجی مملکت‌لر گه مهاجر بولیش گه مجبور ایدیلر.
بیزلرنینگ فیسبوک صحیفه‌میزگه باش اورینگ!
جوزجان ولایتی آقچه تومنی ییگیت‌لریدن بیری رحمان‌قل گه کوره، ایناغه‌سی توی مهری و خرجت‌لرینی تأمینلش اوچون آلتی ییل آلدین ایران گه سفر قیلگن و حاضرگچه اوندن هیچ احوال‌لری یوق دیر.
او نینگ ایتیشیچه، یشاوچیلر نینگ اقتصادی قیینچیلیگی و حاضرگی قلتیس شرایط گه بناً، بو کبی اقدام نی خوش قرشی له‌یدیلر.
جمعیت ده‌گی ناقانونی رسم‌وعنعنات و توی مهری و خرجت‌لری یوقاری‌لیگی باعث، توی خرجت‌لرینی تأمینله‌ی آلمه‌گن بیر قطار ییگیت‌لر، جوزجان ولایتی آقچه تومنی عالملر کینگشی نینگ اوشبو اقدامینی خوش قرشی له‌گنلر.
مذکور تومن یشاوچیسی ۲۷ یاشر «خدیجه» گه کوره، ییتتی ییل آلدین بیر ییگیت بیلن اونشتیریلگن و نامزدی توی مهری و خرجت‌لرینی تأمینلش اوچون حاضرگچه تورکیه ده مردکارچیلیک قیلماقده.
او، آقچه تومنی عالملر کینگشی نینگ اوشبو اقدامینی خوش قرشی‌لب و افغانستان بویلب ناتوغری رسم‌وعنعنات گه چیک قوییش و اوشبو فرهنگ نهادینه بولیشی اوستیده تأکید ایته‌دی.
بیزلرنینگ توییترده هم تعقیب قیلینگ!
آقچه تومنی یشاوچیسی و حاضر ایران ده مردکارچیلیک قیلیب کیله‌یاتگن ۳۵ یاشر عبدالحمید نینگ ایتیشیچه، ابه‌سی نینگ قیزی بیلن اونشتیریلگنیدن آلتی ییل اوتماقده، بیراق توی خرجتینی حاضرگچه تأمینله‌ی آلمه‌گن.
اونگه کوره، توی مهری و خرجت‌لری قریب بیر یریم میلیون افغانی تعینلنگن، آلتی ییل ده یالغیز ۶۰۰ مینگ افغانی توله‌گن و اوشبو مقدار پول نی تاپیش اوچون تورکیه گه سفر قیلیش گه مجبور دیر.
عیال حقوقی فعاللریدن بیرقطاری، جمعیت ده زوروانلیک و باشقه ایریم قیینچیلیک‌لر گه سبب بولگن ناتوغری رسم‌وعنعنات گه چیک قوییش اوچون بو کبی فرهنگ نهادینه بولیشی اوستیده تأکید ایته‌دیلر.
عیال حقوقی فعاللریدن بنفشه بینش، جوزجان آقچه تومنی عالملر کینگشی تامانیدن توی مهری و خرجت‌لری ایکی میلیون افغانی دن ۴۰۰ مینگ افغانی گه کمه‌یتیریلیشینی تحسین گه لایق دیب و اوشبو فرهنگ نهادینه بولیشی گه امید بیلدیره‌دی.
جوزجان ولایتی قرقین، خماب، خواجه‌دوکوه و مینگجیک تومن‌لریده اوشبو فرهنگ حاکم بولگن بیر حالده بو قرار آلینگن و مذکور تومن‌لر نینگ ییگیت‌لری، توی مهری و خرجت‌لری کمه‌یتیریلیشینی طلب قیلگنلر.
