جمهورلیک ریاست بیرینچی اورین‌باسری امرالله صالح، طلوع نیوز سابق خبرچیسی همده مرکزی بانک ریاست دفتری نینگ عمومی آمریتی نی عامه علاقه‌لری مصلحتچیسی یما سیاووش و اونینگ ایکی همکاری نی قتل حادثه توغریسیده طالبان نینگ ۱۱ کیشی‌لیک بیر گروهی نی قولگه آلینگنیدن خبر بیرگن.
جمهوررئیس بیرینچی اورین باسری بوگون (چهارشنبه ۱۸- حمل) توییتر صحیفه‌سیده بو موضوع نی بیان قیلیب و ایتیشیچه، شونینگدیک اوشلب آلینگن کیشی‌لردن اونلرچه یاپیشقاق ماین قولگه کیلگن. امرالله صالح مذکور کیشیلر قولگه آلینگنی نینگ زمانی توغریسیده تفصیلات بیرمه‌ی بیراق ایتیشیچه، اولر کابل پولیسی آرقه‌لی قولگه آلینگن.
۱/۲: It all started with a tip from an informant & enabled Kabul Police Dpt to identify, locate & apprehend an 11 member Talib terror cell responsible for numerous bombings including murder of iconic Yama Siawash on Nov 7. Dozens of sticky bombs & IED found in their caches. pic.twitter.com/5KIWrAzopL
— Amrullah Saleh (@AmrullahSaleh2) April 7, 2021
یما سیاووش اوتگن ییل ۱۷- عقرب کابل شهری نینگ بیرینچی ناحیه‌سیگه تیگیشلی ۴- مکروریان منطقه‌سیده بیر پارتلش عاقبتیده ایکی ایشداشی بیلن هلاک ایتیلدی. مذکور حادثه مسئولیتی نی حاضرگچه بیرار گروه یا-ده شخص بوینیگه آلمه‌گن. بیراق دولت نیچه مرته بو حادثه نی طالبان گروهی گه نسبت بیرگن.
شونده‌ی بیرحالده، اوتگن ییل ۷- جدی آیی ده هم ملی خوفسیزلیک عمومی ریاست مسئوللری و ایچکی ایشلر سابق وزیری، یما سیاووش و اونینگ ایکی ایشداشی نی قتل حادثه‌سی حقیده اوچ کیشی قولگه آلینگنیدن خبر بیرگن ایدی.