تشقی ایشلر وزیرلیگی نینگ مطبوعاتی دفتری، اوشبو وزیرلیک سرپرستی کابل ده قزاقستان ایلچیسی بیلن اوچره‌شگنیدن خبر بیرگن.
کابل ده، قزاقستان ایلچیسی علیم‌خان یاسین گیلدی‌اوف بیلن اوچره‌شگن مملکت تشقی ایشلر وزیرلیگی نینگ سرپرستی امیرخان متقی، ایکی مملکت نینگ دیپلوماتیک مناسبت‌لری مستحکم‌له‌نیشی اوستیگه تأکید ایتگن.
تشقی ایشلر وزیرلیگی نینگ مطبوعاتی دفتری گه کوره، اوشبو اوچره‌شووده افغانستان و قزاقستان ارا سیاسی، خوفسیزلیک، اقتصادی و فرهنگی مسئله‌لر بحث گه آلینگن.
بیزلرنینگ فیسبوک صحیفه‌میزگه باش اورینگ!
مذکور اوچره‌شووده قزاقستان ایلچیسی گه کوره: «مملکتی افغانستان نی دوست اوله‌راق بیر مملکت بیله‌دی و افغانستان بیلن مناسبت‌لرینی مستحکم‌لش مقصدیده سعی‌وحرکت قیلماقده دیر.»
قزاقستان ایلچیسی اوتگن ییل ده ایکی مملکت نینگ سوداگرلیک مناسبت‌لری خصوصیده ایتیشیچه: «ایکی مملکت نینگ سوداگرلیک آلیش_بیریشی ۹۰۰ میلیون دالر گه ییتگن، اوتگن ییل گه نسبتن ۳۰۰ میلیون دالر دن آشگن.»
اونگه کوره، افغانستان بیلن سیاسی، سوداگرلیک و انسان پرورلیک مناسبت‌لری گه دوام بیره‌دیلر و قزاقستان نینگ، انسان پرورلیک ینگی یاردم‌لری تیزلیک بیلن افغانستان گه ییتیب کیلیشی کوتیله‌دی.
مملکت تشقی ایشلر وزیرلیگی نینگ سرپرستی امیرخان متقی، قزاقستان نینگ آلیب باره‌یاتگن تشقی سیاستینی خوش‌قرشی‌لب ایتیشیچه: «منطقه ده اوزگریش کیلیشی بیلن، افغانستان و قزاقستان ایریم ساحه‌لرده سوداگرلیک و همکارلیک‌لرینی کینگه‌یتیریشی کیره‌ک.»
بیزلرنینگ توییترده هم تعقیب قیلینگ!
اوشبو اوچره‌شووده جناب متقی، ایکی مملکت مناسبت‌لری گه دایر کابل ده قزاقستان ایلچیلیگی نینگ سعی‌وحرکت‌لریدن منتدارلیک بیلدیریب ایتیشیچه: «آستانه و آلماتا ده افغانستان نینگ ایلچیلیگی و قنسولگرلیگی، مرکزی دولت بیلن همکارلیک قیلماقده‌لر.»
افغانستان تشقی ایشلر وزیرلیگی نینگ سرپرستی قزاقستان ایلچیسی گه، قزاقستان نینگ آسیا جنوبی گه باغلش و ترانزیتی قولی‌لیک یره‌تیش خصوصیده، افغانستان نینگ تیارگرلیگیدن ایشانچ بیرگن.
او ینه بیر بار، افغانستان هیچ بیر مملکت برابری ده تهید ایمس‌لیگی اوستیگه تأکید ایتدی.