اسلام امیرلیگی تشقی ایشلر وزیری امیرخان متقینینگ ایتیشیچه، عنصرلر افغانستان و تاجیکستان آرهسیده یرهتیلگن ایشانچلی فضاگه زیان ییتکزیش اوچون سعیوحرکت قیلماقده.
تشقی ایشلر وزیرلیگی، بوگون (۱۱-قوس، سهشنبه)، اکس صحیفهسیده بیر بیانیه آرقهلی یازیشیچه، امیرخان متقی بو موضوعنی تاجیکستان تشقی ایشلر وزیری سراجالدین مهرالدین بیلن تلیفونی علاقهده بیان قیلگن.
بیانیه اساسیده، اسلام امیرلیگی و تاجیکستان تشقی ایشلر وزیرلری سیاسی مناسبتلر، اقتصادی همکارلیکلر، چیگره وضعیتی، خوفسیزلیک هماهنگلیکلر و منطقهای ییچیمیوللر توغریسیده صحبت قیلگنلر. «چیگره خوفسزلیگینی مستحکملش، قوشمه تیکشیروولر اوتکزیش و هر قندهی هماهنگلیک اوچون اسلام امیرلیگینینگ بوتونلی تیارگرلیگی بولگنیگه تاکید بولگن. شونینگدیک یامان نیتلی عنصرلر برابریده قوشمه اقداملرنی، نیاز بیلهدی.»
شونینگدیک تاجیکستان تشقی ایشلر وزیری، مملکتی اسلام امیرلیگی بیلن ایجابی علاقهلرنی قوریش، افغانستان و تاجیکستان مناسبتلرینینگ بوزیش توغریسیده حرکت قیلهدیگن گروهلرنینگ قبول قیلینمسلیگینی ایتگن.
