اسلام امیرلیگی تشقی ایشلر وزیرلیگی، بوگون (۱۱-حوت، دوشنبه)، بیر بیانیه ترقهتیب، تشقی ایشلر وزیری امیرخان متقینینگ ایران تشقی ایشلر وزیری سیدعباس عراقچی بیلن تلیفونی سوزلشگنیدن خبر بیرگن. بو سوزلشووده سونگی اوزگریشلر و منطقه دهگی حاضرگی وضعیت توغریسیده بحث و صحبت بولگن.
مذکور تلیفونی سوزلشووده، متقی سونگی اوزگریشلرگه نسبت خواطر بیلدیریش بیلن ایران گه «امریکا و اسرائیل هجومی نی قارهلهگن و ایران رهبری آیتالله علی خامنهاینینگ ترور بولگنی اوچون بو مملکت دولتی و ملتی بیلن همدردلیک قیلگن.
شونینگدیک ایران تشقی ایشلر وزیری، اوشبو سوزلشووده افغانستان تامانیدن بیلدیریلگن همدردلیک و یاندهشوو اوچون منتدارلیگینی بیلدیریب، دوام قیلهیاتگن اوروش همده ایراننینگ جواب اقداملریگه دایر مملکتینینگ قرهشلری و تیکشیرووینی بیان قیلگن.
امیرخان متقینینگ صحبتلر دوامیده تاکید قیلیشیچه، اسلام امیرلیگی مملکتلر ملی حاکمیتی و حدودی نقض بولیشینی «قبول بولمهگن» و اونی خلقارا قبول قیلینگن قاعده-قانونگه قرشی بیلیب، کیسکینلیکلرنینگ تیزلیککه توختهتیلیشی ضرورلیگی همده بحراننینگ تینچ یول بیلن حل ایتیش اوچون دیپلماتیک کاناللریگه مراجعت قیلینیشگه تاکید قیلگن.
