اسلام امیرلیگی تشقی ایشلر وزیرلیگی سرپرستی امیرخان متقی، سۉنگی اوچ ییلده افغانستانده داعش آتیده اویوشتیریلگن هجوملر، تشقی مملکت‌لر یشاوچیلری نینگ اویغون‌لیگی بیلن عملگه آشیریلگنینی اېتگن.
تشقی ایشلر وزیرلیگی سۉزلاوچیسی نینگ اورین باسری ضیااحمد تکل بوگون (۱۳-میزان، جمعه) ایکس صحیفه‌سیده بیر بیانیه ترقه‌تیب یازیشیچه، متقی بو موضوع نی «فرمت مسکو» آلتینچی ییغیلیشیده بیان قیلیب و منطقه مملکت‌لردن داعش تامانیدن فقرالری عسکر آلینمسلیگی و اولر نینگ افغانستان و باشقه مملکت‌لر گه یوباریلیشی گه توسیق بولیب و بوزغونچیلیک هجوملری اوچون اسلام امیرلیگی بیلن همکارلیک قیلیش‌لرینی اېسته‌گن.
بیزلرنینگ فیسبوک صحیفه‌میزگه باش اورینگ!
متقی جنابلری نینگ کوپه‌یتیریشیچه، سۉنگی کونلرده داعش افغانستان چېگره‌لریدن تشقریده جهاز و تربیه‌لش مرکزلرنی قورگن. اونینگ ایتیشیچه: «افغانستان اسلام امیرلیگی خوفسیزلیگ اداره‌لر نینگ سعی-حرکتی طفیلی حاضرگی کونده افغانستانده هېچ گروه نینگ حضوری یوق دیر و هېچ کیم افغانستان توپراغیدن باشقه مملکت‌لر گه هجوم اویوشتیره آلمه‌یدی.»
امیرخان متقی بیاناتی بیر قسمیده، بنگی‌وار ماده‌لر نینگ قیته ایشلب چیقریلگن بیر توری افغانستاندن تشقریده بو مملکت گه قاچاق بولهدی و منطقه ده‌گی مملکت‌لر بوتوغریده اسلام امیرلیگی بیلن همکارلیک قیلیشی کېره‌ک دیگن.
تشقی ایشلر وزیرلیگی سرپرستی، فرمت مسکو ییغیلیشیده اشتراک اېتگن مملکت‌لردن، بو ییغیلیشنی افغانستان و منطقه اۉرته‌سیده همکارلیک جریان گه اېلنتیریش‌لرینی سوره‌گن.
بیزلرنینگ «ایکس» ترماغی ده هم تعقیب قیلینگ!
مذکور ییغیلیشده امیرخان متقی، بنگی‌وار ماده‌لر گه قرشی کوره‌ش، بوتونلی امنیت تأمین اېتیلیشی، سرمایه یاتقیزیش گه زمینه یره‌تیش، مملکت‌لر بیلن سیاسی و اقتصادی مناسبت‌لرنی کېنگه‌یتیریش موضوع‌لری حقیده نطق سۉزله‌گن.
افغانستان وضعیتی گه دایر فرمت مسکو آلتینچی ییغیلیشی، روسیه، چین، ایران، اۉزبېکستان، پاکستان، هندوستان، قزاقستان، تاجیکستان، تورکمنستان و افغانستان سرپرست حکومت وکیللری نینگ حضوری بیلن بوگون روسیه نینگ کازان شهریده یولگه قوییلگن.
