حیات‌نینگ بیر قطار قیین‌چیلیکلری آره‌سیده، کابل شهری‌نینگ بیر چیکه‌سیده بیر ییگیت مینگ‌لب امید و قهرمان بولیش مقصدی بیلن یشه‌ماقده. افغانستان آی‌تی‌اف تیرمه جماعه‌سی اعضاسی بولمیش امیر علی‌زاده، ییتی یاشر‌لیکده سپورت گه باشله‌ب، آز کیشی جسارت قیله آلگن قیین‌چیلیک و امید بیلن توله بولگن یول‌دن باریش‌گه قرار آلگن.
مدال‌لردن الهام آلیب و اولرگه ییتیشگن ییگیت
امیرنینگ هیجانی عادی بیر الهام‌دن باشلنگن؛ افغانستان‌نینگ ملی قهرمانی روح‌الله نیکپا دن کیلگن الهام، اونینگ یوره‌گی‌‌گه جای آلیب، سپورت بیلن شغللنیش و قهرمان بولیش اوچون قرار قبول قیلیشی‌گه سبب بولگن. حاضرگچه ۱۸ یاش‌نی تولدیرمه‌گن امیر علی‌زاده‌نینگ ایتیشیچه: «تکواندو گه باشله‌گنیم پیتده، کوپ کیچیک ایدیم. ییتی یا-ده سکیز یاشر ایدیم که تکواندو گه باشله‌دیم و مینگه کوپ اونملی بولگن نرسه، اوشه مدال ایدی و مینی فکرم‌ده بولگن کیشی ایسه روح‌الله نیکپا ایدی. روح‌الله نیکپا خلق‌ارا مدال نی قولگه کیلتیرگنی کون‌دن باشله‌ب، عایله‌م بیر کون مینی هم مدال آلیشیم ممکن‌لیگی‌گه ایشانیشدی و بو مینی سپورت و بو کبی فخرلر گه توشینیشیم‌‌گه سبب بولدی.»
امیر، اوقیش بیلن بیرگه تمرین‌لرینی هم کوپ تلاش بیلن دوام بیرگن. او تمرین‌لرینی کیچیک سالون‌لردن باشله‌ب و بو اوزون یول‌ده، نه فقط اوزینی بیر سپورتچی؛ بلکیم اوز زمان‌داشلری‌گه امید و اراده رمزی صفتیده بیان قیلدی.
خلق‌ارا میدان‌لرده بیر قهرمان‌‌نینگ یوتوقلری
امیر، ۲۰دن آرتیق ملی و خلق‌ارا بیللشوولر گه قتنه‌شگن که، بیرینچی چیتایللیک بیللشووی ایکی آی آلدین اوزبیکستان ده اوتکزیلگن. او فعالیتی‌ده ۱۸ مرته غلبه قازانیب و حاضرگچه، ۱۴ آلتین، ایکی کومیش و ایکی برنز مدال‌نی قولگه کیلتیرگن.
اونینگ سونگی یوتوقی، اوزبیکستان ده اوتکزیلگن خلق‌ارا بیللشوولر‌گه حکومت آرقه‌لی مالی حمایت بولمه‌ی، اوز شخصی سرمایه‌سی بیلن مذکور بیللشوولر‌گه قتنه‌شیب و برنز مدالی‌نی قولگه کیلتیرگنی دیر. «۲۰دن آرتیق مسابقهم بار؛ یولیم‌نی تاپه آلیش اوچون کوپ زحمت تارتدیم و بوندن کیین مسئولیت‌لریم کوپراق دیر. چیتایللیک بولگن بیرینچی مسابقهم گه اوز شخصی سرمایه‌م بیلن شرکت قیلدیم؛ چونکه یخشی شکلده اوتگنی اوچون بلکیم کیینگی برنامه‌لرده دولت‌نینگ قوللب-قوتلشی ممکن.»
قیین‌چیلیکلرگه قره‌مه‌ی؛ بیراق آلاو‌نی برکتلی دیب قبول قیلگن!
امیرنینگ یولی کوپ قیین‌چیلیکلر بیلن توله ایکن دیر. قیین اقتصادی وضعیت، امکانیت یوقلیگی و امید‌سیزلیک، نیچه مرته اونی ترک قیلیش یا-ده دوام بیریش اورته‌سیده قویگن؛ بیراق اونگه کوره، هیچ قچان سعی‌وحرکت‌دن قول تارتمه‌گن. امیرنینگ کوپه‌یتیریشیچه: «قیین‌چیلیکلر موفقیت‌لیک اوچون قوت نقطه‌سی بولیشی ممکن؛ بو توغریده بولگن بیر سوز کبی؛ موفق بیر کیشی قیین بیر وضعیت‌ده اوزینی کورسته‌دی و مین هم بعضا بو سوز بیلن اوزیم‌نی یوقاری‌گه چیقره‌من و تلاش قیله‌من. یالغیز بو سوز مینی فکرم‌ده که موفق بیر کیشی دایم قیین بیر وضعیت‌ده موفق بوله‌دی؛ امید‌سیزلیککه قرشی مبارزه قیله‌دی. کوپینچه امید‌سیزلیکلر بیلن روپه‌ره بولگنیمیز درست؛ بیراق وضعیت نه فقط مینگه بلکیم برچه کیشی‌گه قیین دیر؛ لیکن بیزلرنی امیدوار قیله‌دیگن نرسه، انه شوو سعی‌وحرکت قیلیش و اراده‌لی ایشلش دیر.»
قاره کمربند؛ ینگی مسئولیت باشلنیشی
امیر سلام‌وطندار بیلن اوتکزگن صحبت‌لریده ایتیشیچه، تکواندوده قاره کمربند شخصی بیر موفقیت‌لیک ایمس؛ بلکیم اونینگ بویوک مسئولیتلر گه ییتیشتیریش اوچون بیر مرحله دیر. «هر بیر سپورتچی بیر ایش گه باشله‌گنی‌ده، بیر نقطه گه ییتیشه‌دی که اوندن کیین کوپراق سعی‌وحرکت قیلیشی کیره‌ک و تکواندو ده انه شوو قاره کمربند دیر؛ چونکه بو قاره کمربند‌نینگ قولگه کیلتیریش‌دن کیین کوپ یوتوق قولگه کیلتیریب و باشقه کمربند‌لردن فرق بولیشی کیره‌ک بولگن بیر کیشی بوله‌سین.»
سلام‌وطندار امیرنینگ باشقه دوست‌لری بیلن صحبت قیلیب و کوپ زحمت‌کش بیر دوست‌نینگ اولر اوستیگه تاثیرینی هم تیکشیرگن که، امیر علی‌زاده‌نینگ دوست‌لری، اونینگ نظم، تلاش و مقاومت اوچون یخشی بیر اولگو بیله‌دیلر.
امیرنینگ دوستلریدن بیری احمد‌نینگ ایتیشیچه: «نیچه ییل بوله‌دی که امیر نی تانیمن؛ امیرنینگ قولگه کیلترگنی یوتوقلر، مینگه بونی بیلدیرگن که سعی‌وحرکت بیلن موفقیت‌لرگه قول تاپه آله‌‌میز. امیرنینگ یوتوقلری مینگه انگیزه بیره‌دی که اوزیم‌گه منظم بیر برنامه توزتسم و اوزیم‌گه ایته‌من که هه، بیر کون مین هم موفق بوله آله‌من.»
شونینگدیک تکواندو بولیمی‌ده امیرنینگ مربی‌سی سید‌روح‌الله حسینی، اونینگ سپورت کیله‌جگی و شخصتی خصوصیده ایتیشیچه: «هر بیلن مسابقه اوچون تورت نرسه کوپ اونملی دیر که، اولر سرعت، قدرت، مقاومت و عقل دیر. امیر سعی‌وحرکت قیله‌دیگن بیر ییگیت بولگنی بیلن، اراده‌لی بیری دیر. اوشبو خصوصیت‌لردن برچه‌سی اونگه بار و مین مربی‌سی صفتیده، اونینگ کیله‌جگی‌نی بوگون‌دن هم کوره یخشی‌راق کوره‌من.»
بولرگه علاوه، افغانستان سرپرست حکومت سپورت و جسمانی تربیه‌لش عمومی ریاستی سوزلاوچیسی عبدالله قانع، یاشلردن قوللب-قوتلش اهمیتی‌گه تاکید‌لب، سپورتچی ییگیت‌لر‌نینگ حمایت قیلینیشی و همکارلیک قیلینیشی‌‌گه سوز بیرگن. «ایچکی و تشقی برچه برنامه‌لر، مملکت اداره‌سی تامانیدن حمایت بولیب، مصرف‌لری توللنیب و اولر گه تخنیکی همکارلیک‌لر صورت تاپه‌دی. بلکیم بعضا سپورتچیلردن قطاری شخصی شکلده چیتایللیک نارسمی مسابقه‌لر گه شرکت قیلگن بولسه؛ بیراق رسمی برنامه‌لر مملکت اداره‌سی تامانیدن حمایت بوله‌دی و قولیمیزده بولگن امکانیت سپورتچیلر خذمتی‌ده دیر و ییگیت‌لر خذمتی‌ده دیر و کیله‌جک‌ده هم اولردن حمایت قیلیشیمیز ممکن.»
ایتیش کیره‌ک که، افغانستان سرپرست حکومت سپورت و جسمانی تربیه‌سی عمومی ریاستی‌ده، ۵۲ سپورت‌نینگ فعالیتی بار و شونینگدیک تکواندو هم مملکت ییگیت‌لری آره‌سیده طرفداری کوپ بولگن سپورت صفتیده تانیله‌دی.