امریکا و اسرائیل رسمی‌لری، کیله‌سی هفته باش کونلریده ایران‌نینگ هسته‌ای برنامه‌سی حقیده مذاکره قیله‌دیلر.
رویترز آژانسی‌نینگ گزارش بیریشیچه، اوشبو مذاکره‌لر آق سرای‌ده و امریکا بیلن اسرائیل‌نینگ ییریک رسمی‌لری آره‌سیده بولیب اوته‌دی.
بیزلرنینگ «ایکس» ترماغی ده هم تعقیب قیلینگ!
گزارشلر اساسیده، اسرائیل هیئتی بو مملکت‌نینگ استراتیژیک ایشلری بوییچه وزیری ران درمر و ملی خوفسیزلیک مصلحتچی‌سی تساحی هنگبی ییتکچیلیگی‌ده، امریکا جمهور باشلیغی دونالد ترامپنینگ ییریک مصلحتچی‌لری بیلن مذاکره قیله‌دیلر.
ایران و امریکا آٰره‌سیده هسته‌ای مذاکره‌لر‌نینگ قیته باشلش امکانیتی تیکشیریلیشی همده بو مملکت گه تیگیشلی منطقه‌ای مسئله‌لر، امریکا و اسرائیل رسمی‌لری‌‌نینگ بو حقده مذاکره قیله‌دیگن موضوع‌لردن دیر.
اوشبو مذاکره ایران رهبری سید‌علی خامنه‌ای گه دونالد ترامپنینگ مکتوب یوبارگنی‌دن کیین عمل‌گه آشیریله‌دی.
بیزلرنینگ فیسبوک صحیفه‌میزگه باش اورینگ!
بوندن آلدین ایران تشقی ایشلر وزیری سیدعباس عراقچی، مملکتی امریکا جمهور باشلیغی مکتوبی‌ده‌گی امکانیت‌لر و تهدیدلر‌نینگ تیکشیریشلری‌نی بیان قیلگن ایدی.
دونالد ترامپ، جاری ییل ۱۲-مارچ ایران رهبری‌گه بیر مکتوب یوللب بو مملکت‌دن، هسته‌ای برنامه‌سی حقیده امریکا بیلن مذاکره قیلیشی‌نی ایسته‌گن.
