امریکا قوشمه ایالت‌لری نینگ اعلام قیلیشیچه، هرات ده یوز بیرگن سونگی زلزله عاقبتیده زیان کورگنلر گه، ۱۲ میلیون دالر یاردم بیرگن.
افغانستان ایشلری بوییچه امریکا نینگ مخصوص نماینده‌سی توماس وست، بوگون (جمعه، ۲۱-میزان)، «ایکس» صحیفه‌سیده بیر اعلامیه ترقه‌تیش بیلن، اوشبو مالی یاردم‌دن خبر بیرگن.
بیزلرنینگ فیسبوک صحیفه‌میزگه باش اورینگ!
اونینگ یازیشیچه، مذکور یاردملر افغانستان نینگ شمال‌غربی‌ده یوز بیرگن زلزله عاقبتیده زیان کورگنلر گه عاجل انسان‌پرورلیک یاردملر صفتیده دیر.
توماس وست نینگ کوپه‌یتیریشیچه، اوشبو یاردملر ایچیملیک سوو، باش پناه، خیمه و باشقه کیره‌کلی نرسه‌لر نینگ تامین‌لش اوچون، زلزلهدن زیان کورگنلر گه فایده‌لی بولیشی ممکن.
The United States is providing $12 million in immediate humanitarian assistance following the earthquakes that struck northwestern Afghanistan October 7 and 11. (1/3)
— U.S. Special Representative Thomas West (@US4AfghanPeace) October 13, 2023
افغانستان ایشلری بوییچه امریکا نینگ مخصوص نماینده‌سی، زلزله عاقبتیده ییتیشگن زیان‌لر گه تأسف بیلدیریب ایتیشیچه، امریکا قوشمه ایالت‌لری افغانستان یشاوچیلری نینگ یانیده دیر.
ایتیش کیره‌ک که، شنبه کونی هرات، فراه و بادغیس ده کوچلی زلزله یوز بیریب و هرات نینگ زنده‌جان تومنی گه کوپینچه زیان ییتیشتیرگن ایدی.
بیزلرنینگ «ایکس» ترماغی ده هم تعقیب قیلینگ!
مذکور زلزله نتیجه‌سیده، اوشبو تومنی نینگ قریب برچه قیشلاق‌لری مکمل شکلده ویران بولیب و یوزلب کیشی اولیب و یره‌لندی.
بیرینچی زلزلهدن کییم، هرات ده باشقه نیچه زلزله یوز بیریب و اونینگ عاقبتیده، اوشبو ولایت یشاوچیلری قورقگنلری سبب، اویلر نینگ ترک قیلیش گه مجبور بولگنلر.
هرات ده یوز بیرگن سونگی زلزله، چهارشنبه کونی ۱۹-میزان یوز بیریب و اونینگ نتیجه‌سیده، اونلب کیشی یره‌لندی.
